https://youtu.be/kUe0TXaUv7U
مهما شفت في عمري ياما من مواقف مؤلمة
عايشة زي ناس كتيرة ع الهموم متأقلمة
واللي يحصل ليا دايما راضية بيه ومسلمة

لما أكون فرحانة أحس الدنيا حلوة كتير في عيني
وأما أكون مخنوقة بحتاج اللي جنبي ويواسيني
دايما أهرب من همومي قبل هيا ما تلاقيني

مين في كل الدنيا ديا عمره مرة ما اشتكى؟
مين مجربش السعادة ولا حس بالبكى؟
أغلب القلوب دي حالها في الحياة مستهلكة

كل يوم بيعدي بكسب منه دايما شيء جديد
المهم يضيفلي حاجة والأهم إني أستفيد
في الحياة مفيش ضمان أو إحتمال لشئ أكيد

في حاجات جوايا باقية مهما عشت مبنساهاش
والحياة بالنسبة ليا لسه برضو معشتهاش
واللي حساه إن دايما لسه أجمل يوم مجاش

__________________
سأظل أتنفس الأمل والتفاؤل وأضيء الكون بابتسامتي رغم كل شيء