وقت سفرك على قولتهم بالنهائيات طالع لانت اللي قبل العيد بفترة او اجلتها لبعد العيد بترجع قبل عيد الاضحى بيوم بس ماهو بزحمة مابعد عيد الفطر والاضحى والاسعار احجز قبل تطلع بوقت كافي واحسب ميزانيتك بعد حجز السكن تتضح معاك لان السكن هو نصف السفر كلة . وايضا مكان سكنك وين هل تبي شقة مثلا بمراكش حي قليز او مجمع لانها تفرق بالسعر وكذلك اغادير . وايضا السيارة بسواق او بدون سواق . وايضا السهر . كل هالاشياء تحدد ميزانيتك لو حددتها من الان
انا اعتقد انها تكفيك بحالة وحدة لو كنت مقتصد جدا وابتعدت عن السكن بالمجمعات واستاجرت سيارة وسقتها بنفسك وضبطت امورك من سهر وغير باقتصاد .

نصيحتي كالتالي تبي ترتاح وتشري دماغك على قولت المصريين
اولا مراكش عندك خيارين الاول اذا انت راعي صوت عالي اسكن بالمجمعات بدون. تردد عندك النخيل درقاوي والروز قاردن
وايضا برستيجيا مع انة مرتب وفخم بس موحش المكان من هدوئة .
واذا راعي هدوء وماتزعج اللي حولك فية شقق بابليون بجليز وفية شقق بجليز كثيرة . واغادير ارشح لك المارينا شقق فيها كثيرة وتاخذ راحتك .
وعندك المعلنين بقسم الحجوزات والعروض يوفرون لك طلباتك بس اطلب سواء اغادير او مراكش وكلها جميلة صراحة مع اني اميل لمراكش اكثر
السيارة انصحك تقودها بنفسك وتاخذ معك قارمن علية خرائط المغرب بس احفظ الاماكن وهو يوديك يعتبر معاك خوي ثاني حقيقة راح توفر كثير . او تلجأ للسواق وهو بيريحك بحكم اول زيارة لك تحتاجة .
بالنسبة للميزانية خل معاك احتياط لاني اشك انها ماراح تكفيك. لو كنت من رواد المغرب بقول لك تقدر تحسب حجات كثير توفر عليك لكن اول زيارة تحتاج تصرف بالمعقول لو عندك بيانات كافية

اتمنى لك سفرا موفقا