انا تعبت من الرد والتوضيح .. وطفشت من كثر المشاكل اللي تصير بالمواضيع .. لدرجة ولله الحمد بدأت اكتشف عقليات مريضة لكنها جديدة علي .. وهذا آخر توضيح اكتبه ..

هي 3 نقاط لا اكثر ولا اقل

1- سبب كتابة التقرير واضح وليس هناك تجريح لأحد كل اللي كتبته بصيغة المجهول واللي يهمني هو لُب الموضوع .. وعندي تقريرين قبل هذا تطرقت فيها لكل شيء يفيد اللي بيسافر والأشياء اللي واجهتني بهذيك الفترة

2- أغلب اللي استفزهم الموضوع هم من العينات اللي اقصدهم بتقريري (وجهة نظري ومقتنع فيها تماماً) وبالنسبة للنعت بكلمة خروف الخبرة مالها اي علاقة لا من قريب ولا من بعيد بالتحويلات المالية وشراء هدايا والفشخرة بأماكن السهر والهيااااااااط .. بعضنا يحب يكابر ويتفلسف ومايبي يعترف بوجود مشكلة .. وكأننا شعب الله المختار!!!

3- ولله الحمد والشكر يكفي ان فكرتي وصلت .. اعجبك الموضوع او ما اعجبك هذا شيء راجع لك لكن لاتتهجم بالرد وتدس السم بالعسل .. نقرأ مابين السطور ونفهم لكن نشتري عقولنا ونعديها .. عمر الحيادية ماكانت انتقام او تهجم بالرد .. الحيادية انك تكون مُنصف وحجتك قوية وتتكلم بعقلك وبالمنطق لا بماتهوى ..

ولازال بعض الخليجيين يدّعي المثالية وكأنه ملاك على هيئة بشر .. مع العلم اذا اعترفنا بوجود مشكلة هذا اول طريق لإيجاد حلول لها ،،،

تحياتي للجميع ،،،،