مزاعيط المغرب - السفر الى المغرب - عرض مشاركة واحدة - رحلتي للمغرب و مفاجآت مراكش (( مظاهرات 20 فبراير ))

Oscar

المشاركات: 2,547

تاريخ التسجيل: Jul 2010

الدولة: marrakech

العمر: 39

2011-07-16, 06:20 PM

رد: رحلتي للمغرب و مفاجآت مراكش (( مظاهرات 20 فبراير ))

PART 4 :

اليوم الثاني في المحمديه والذهاب الى مراكش الحمراء

في البدايه احب اشكر ادارة المنتدى على تثبيتها للتقرير واشكر
المزاعيط المتواصلين معاي ..

اليوم الثاني في مراكش قضيته في محلات الالكترونيات في المحمديه
ادور( ابحث ) عن وصله كهربا لجهاز الكمبيوتر الاب توب .. لان الوصله اللي
معاي ما تناسب النقط الكهربائيه في المغرب .. صار لي ساعتين وانا الف
مع صاحبي المغربي .. وآخر شي لقينا وحده صاحبي المغربي يعرفها
قالت لو تبي اي شي اطلع لك حتى لو كان تحت الارض .. وبالفعل يا جماعه

خلال عشر دقائق خذتنا على محل صغير لقيت فيه كل اللي ابيه وهذا يؤكد
لكل شخص مسافر انو لو تعرف لك شخص حافظ المنطقه و مناطقها وزنقاتها
راح ترتاح وتكون سفرتك عشره على عشره ..!!

المهم اخذنا عشا من الماكدو ورجعنا عالشاليه واشوف لك اصحابي كل واحد ماسك
التلفون ويتكلم و ولسان حالهم يقووول شو اللي جابني هالمنطقه ههههه

طبعا انا حاولت اخفف عليهم وقلت لهم انو الواحد عالاقل يكتسب خبره ويكون علاقات
وياخذ خلفيه اكثر عن هذي البلد والمنطقه ..
الشي الجميل في المحمديه ناادر تلاقي فيها الشحاتين و الناس كلهم في حالهم
ومالهم دخل فيك .. وهذا اللي عجبني كثير .. وهاديه بحااال اكادير مافيها زحمة

المهم قررنا انام ومن نصحى نروح على محطة المحمديه وناخذ تيكت ونروح على مراكش
الحمراء ..

صحينا الصبح ومن شدة البرد قعدنا ربع ساعه في البلكونه نتشمس :Abu Ahmed (116):

غيرنا ملابسنا وهووووووب على المحطة ومعانا صاحبنا المغربي ودعناه في المحطه
وخذنا التيكت وقعدنا نستنا الطرين ..!!

طبعا حجزنا ثلاث تذاكر على البريمير ( الدرجه الاولى ) وقعدنا نتسنا تقريبا عشرين دقيقه ..!
شوي والا اسمع موظفه المحطه في المايكروفن تنادي وتقول القطار المتوجه الى مراكش بيوصل بعد خمس دقايق ....... الخ آخر شي قالت علما بان مقاعد البريمير موجوده في مؤخرة القطار ..! هذا اللي سمعته انا ..!.

المهم وصل القطار ... وكنا واقفين تقريبا عند مقدمة القطار وين كابينة السواق ..!

جو اصحابي يركبون قلت لا استنو .. الموظفه قالت في مؤخره القطار قالو لي
متاكد ؟
قلت : ايوا متاكد ميه بالميه ..

ورحنا نمشي نحن وشنطنا وكل واحد شنطته كأننها شنطة مصري صار له 3 سنين في الخليج

ونمشي ونمشي ونمشي ...

وكلكم عارفين القطار طويييل ومؤخرته راح تكون بعيده طبعا ..

المهم وحنا نمشي الموظفه تنادي (( على الجميع الركوب سوف يتم اغلاق الابواب
بعد دقيقه )) ..!

ومن سمعناها كل قام يجري واللي يشوفنا يقووول ابطال الاولمبياد وش عندهم

والحمد الله ركضنا وتعبنا بس وصلنا عالمؤخره قبل لا تتسكر البيبان :Abu Ahmed (85):

وتخيلو يا جماعه اول ما ركبنا قال لنا الموظف يا اخوان هذي الدرجه الثانيه وانتوا
التيكيت ديالكم بريمير .. سالوه اصحابي : طيب وين البريمير ..
قال الموظف : في مقدمة القطار ..

وكل واحد يشوفني بنص عيني وانا

هههههههه طبعا انا اكثر واحد تضررت فيهم وانا اجري طاحت مني نظاره
ري بان كلاسيك شاريها من الامارات بـ 600 درهم

المهم الموظف قال المحطه الثانيه بعد عشرين دقيقه نزلو وغيروا مكانكم
بس عندكم اقل من دقيقتين ..!!

ونفس الموال اول ما وقف الطرين في المحطه الثانيه .. نزلنا وهووووب جري
وكل واحد يسابق الثاني وساحب شنطته والله اشكالنا تموت من الضحك

والحمد الله وصلنا البريمير بالوقت المحدد وقعدنا ونحن هلكانين وكل الناس تشوفنا

طبعا الرحله من المحمديه الى مراكش تقريبا 3 ساعات والطرين يمر على محطة كازا

جلسنا في الكابينه وكان معانا اثنين مغاربه و واحد خاال مغربي وكانو يسولفون مع
بعض فرنسي .. هذا اليوم كان التاريخ 19 فبراير ...

تلفت علينا وااحد وسالنا وين رايحين .؟ قلنا له رايحين مراكش ..!

قال انتوا ما رحتوا مراكش الا في يوم المظاهرات

المهم الرجال قعد يشرح لنا و يسولف عن اللي راح يصير في مراكش والرباط
وغيرها من المدن اللي راح يسوون فيها مظاهرات سلميه ضد الحكومه ...

هذا على كلامه هو ..

وقال بكره تاريخ 20 لا تروحون اي مكان خليكو في البيت ..

وحنا نسمع كلامه وكل واحد في باله يخطط للسهره والصياعه في مراكش
و ولا واحد رد بال للكلام اللي يقولو الشريف ههههه

وصلنا محطة مراكش بالسلامه ..

وعلى طول هجوووم على الماكدو كالعاده >> كأنه مافي غيره في المغرب ههه

وبعدها رحنا الشقه اللي حجزها لنا صاحبنا المغربي اللي في مراكش بـ 900 درهم
غرفتين وكل غرفه بحمامها ومطبخ وصاله وبصراحه الاثاث والمكان فايف ستار

ما ادري شو اسم المنطقه بالضبط بس كنا قراب من احد الفنادق العالميه
اذا ما خانتني الذاكره اسم الفندق رويال ميراج ..

وهذي صوره كوفيه لوبو اللي تطل عليه الشقه :

لي عوده

__________________
i am a very private person, yet i am an open book
if you dont ask... i won't tell