بس اللي لحس مخي بالسالفه
بما إنه الخطوط القطرية بالعودة بتكون دايركت من مراكش للدوحة كيف وصلت طيارة الخطوط القطرية لمراكش يعني معقولة تنزل الركاب بمطار كازا وتجي فاضية لمراكش
وبما إني من مفضلين الخطوط القطرية والإماراتيه بصراحة ماتناسبني الرحلة لمراكش احجز لكازا اصرف لي بما إني من سكان الرياض والسبب :
بالروحة احجز ع رحلة 4 الفجر من الرياض ترانزيت ساعتين بالدوحة وبعدها رحلة كازا واوصل الظهر ودايم ماتجي الساعه اربع او اربع ونص العصر بتوقيتهم الا وانا بنص مراكش ولا انتظر اربع ساعات وشوي بمطار كازا وبعدها ساعه الا ربع لمراكش يعني يالله توصل لسكنك على ست أو سبع المغرب
أما بالرجعة من كازا تاصل الدوحة الساعه ١٢ بالليل ورحلتك للرياض بعد ساعه وربع ولكن مع الخط الجديد من مراكش تصير تاصل بعد ماتطير طيارة الرياض اللي هي ساعه وحده بالليل وبتنتظر للصباح في الدوحة
فالمستفيد الوحيد من الرحلة الجديدة هو اللي بيرجع للدوحة بس وأما اللي بيطلع من الدوحة لايحجز الا لكازا وبعدها سيارة او سواق ويكمل أصرف له