رحلتي للمغرب و مفاجآت مراكش (( مظاهرات 20 فبراير ))

Oscar

المشاركات: 2,548

تاريخ التسجيل: Jul 2010

الدولة: marrakech

العمر: 38

2011-07-18, 12:15 AM

رد: رحلتي للمغرب و مفاجآت مراكش (( مظاهرات 20 فبراير ))

اكــــــــاديـــــــر

البلد : اكادير.

تاريخ الوصول : التاريخ : 23/فبراير/2011.

المده : 4 ايام.

السكـن : اول يوم في منزل احد الاصدقاء +3ايام في شقه في المرينا.

تفاصيل اول يوم :

وصلنا اكادير العصر واتجهنا الى منزل احد الاصدقاء المغاربه اللي

شغال معانا في الامارات .. ورحب بنا في بيته احلى ترحيب وبعد

قعدنا نسولف معاه وناخذ علومه طلعنا لفوق نريح شوي من تعب

الطريق ..

صحينا بالليل تقريبا عالساعه 9 وصاحبنا ما قصر .. قال والله ما تروحو الى

وانتو متعشين في بيتي .. نزلنا تحت وتفاجانا بكرم الضيافه المغربيه

الرجال ما خلى شي ما جابه على طاولة الطعام .. كأنه عازم قبيله مو

3 اشخاص .. طاجين لحم وسلطات .. والطبق الرئيسي في الصوره :

ابي مزعوط عنده خبره يقوولي شو اسم الاكله هذي

واللي يجاوب صح له هديه ..

بعد ما تعشينا وافترسنا كل الموجود عالطاوله جابو لنا الاتاي

وقعدنا نسولف مع الرجال عن اكادير واجواءها واماكنها السياحيه

و كلمناه عن السكن وقال انو لقيت لكم شقه في المرينا وسعرها

1400 درهم مغربي ( 3 غرف وصاله وحمامين ومطبخ ) والعفش والشقه
فايف ستار وبكل صراحه ..

اخذنا شاور سريع في بيت الرجال ولبسنا ورحنا على نتمشى شوي

عالكرنيش .. منها قنص

و تهضيم ..

وبعدها رحنا على وكر العصفور ( صحارى ) وسهرنا احلى سهره مع

النصابين و الحثاله اللي شغالين في الصحارى .. واللي لقت انتباهي

تصرافت بعض الاخوان الخليجين الله يهداهم .. اللي يفتحون هذاك

المشروب على البيست و يرشون على اصحابهم كأنه فايزين بسباق

فرمولا ون .. والله هذا التصرف ما عجبني نهائيا خصوصا انو العصير

الواحد سعره غالي نوعا ما وماله داعي كل هذي الفشخره دامك

ما راح تشربه اساسا .. بس ما اقول غير الله يهداهم والشي الثاني

التحدي اللي يصير بين الاخوان السعوديين والكويتين ومين اللي يفتح

اكثر عدد من هذا العصير في البست .. : (786): وين عايشين

يا جماعه .. عشان كده العاملين اللي في صحارى مستغلين الوضع ..

بس ما اقول غير الله يهداهم والله يعافيني والحمد لله على نعمة العقل ..

الساعه 5 الفجر طلعنا من الصحارى وما عجبني جوه .. ديكور من العصر الحجري

ومكان ضيق .. والدي جي تعبان .. اغانيه كلها مغبره ومعاملتهم مش اوكي

واستغلاليين .. ناهيك عن تصرفات بعض الاخوان الخليحين اللي ترفع

لك الضعط .. سواءا مع بعض الحلوين او مع اصحابهم ..!!

طلعنا ورحنا على الاتلانتيك .. بس للاسف كان تقريبا خاوي ..!

قالولنا انو في شهر 2 يكون خاوي وفي الصيف يكون عامر .. قعدنا وقلنا

خلينا ندوز هالساعتين على خير .. المهم يا اخوان وانا قاعد بأمان الله

على طاولتي واصحابي واقفين جنب البيست تقريبا .. جاني احد الحلوين

وسلم وقعد معاي وقالي حي الله الاماراتي .!!!!

قلت له كيف عرفت اني اماراتي .. قالي من شكلك عرفتك : (590):

المهم انا كنت مخلي تلفوني البلاك بيري على الطاوله .. واسولف مع الحلو

وهو يقولي انو من طنجه وانو مو مثل باقي الطيور وانو يدور علاقه صداقه

ومن هالافلام الهنديه اللي تعرفونها ..المهم جوو اصحابي وقعدو معانا عالطاوله

ولما قررنا نروح .. انصدمت انو موبايلي مو موجود عالطاوله

قعدت ادور يمين ويسار .. ما لقيته ..! على طول شكيت في الحلو اللي معاي

خصوصا انو عور لي راسي بالافلام الهنديه ... وقلت له طلع الموبايل بالزين : (786):

وانا بكل وقااحه اصر والح عليه وهو يحلف ويقووول اقسم بالله وحق الله ما اخذت موبايلك وفي النهايه جا صاحبي وهو يضحك وقالي تعال

ياخي الموبايل عندي .. طبعا انا اتعصبت منهم لانهم خلوني اظلم الحلو اللي معاي

والله اشوفها حركه مو حلوه يا جماعه : (786):

وبعد النرفزه رجعنا على شقتنا في المرينا لحالنا فاهمين علي .؟

وراح نكمل شو اللي صار في اليوم الثاني بعد مباراة البرازيل وبراغواي

__________________
i am a very private person, yet i am an open book
if you dont ask... i won't tell