كل عام وانتم بخير وقريت الموضوع متاخر والعفو منكم
عبود لك كل الاحترام والتقدير على اي كلمه كتبتها بالموضوع

انا حقيقه صار بيني وبين هالمنتدى عداوه بسبب كثر الانتقاد والتفلت على اي كلمه تقولها وتقدر تقول لقافه او بعضهم يحسبه شطاره لمن احجرله على اي كلمه وهما والله ما عندك ما عند جدتي

كتبت تقرير كامل عن رحلتي في شهر شعبان وتذكرت ان في ملاقيف ما يحبون النصيحه ومسحت ام امه
انا مزعوط قديم وشايب ولي علاقات مع المزاعيط القداما احلا شي لنا قروب خاص نتبادل النصايح واخر المستجدات ونطمن على بعض لان سالفه المنتديات صار فيها شد وجذب وتوتر ومجاكر بالردود

من ناحيه موضوعك والنقاط الى ذكرتها صحيحه واتفق معاك فيها
ودايم نسمع المثل الى يقول يا غريب كنت اديب البعض ما يطبقه للاسف
والمثل الى يقول امشي عدل يحتار عدوك البعض يتناساه ويفكر ان بفلوسه يشتري كل شي
واذا اشترى كل شي وطفر يجلس يتبكبك ؟؟ طيب ليه من اول ما احترمت نفسك ومالك وحصنت نفسك وابتعدت عن النطيحه والمترديه

واقسم بجلال الله والى رفعها سبع ان اخر رحله لي زرت اكثر من 12 مدينه وقريه وهجوله بالسياره ومعايا القارمن وسعه صدر لوحدي واكل من المطاعم الشعبيه والفخمه واسكن باوتيلات متوسطه وفخمه واروح السينما واتمشي ما صرفت الا 8 الف ريال والسبب لاني ابتعدت عن وجع الراس لا من سماسره ولا من طيور ولا خفافيش ولا قله حياه ,, انا ما اقول اني ملائكي بس اذا دخلت بهالظلام
راح يجيك وجع الراس الى انت في غنى عنه وراح تشوف الى ما ينشاف من قصص وشحاته وشي يدمي القلب
السفر له فوائد جما بس ربعنا يختارون بالسفر اسواء الاشياء وللاسف ثقافه الحرمان وعدم الوعي توديك في ستين داهيه والله يبعد عننا الحرام ويغنينا بحلاله عن حرامه

نصيحه اخيره يا اخوان حاولو تستمتعو بالمغرب بالمدن الغير مشهوره سياحيا راح تلاقو القلوب الطاهره والنظيفه وانا مجربها وربي
خلك معتمد على نفسك ولا تحتك باحد داخل مجال السياحي
لا تتباها في اي شي تملكه خلك اقل من متواضع عشان الانظار والعيون لا تيجي عليك
ابعد عن النطيحه والمترديه
تبي تستانس روح اماكن غير مشهوره ومعروفه بالمنتدى من سهر وخلافه
ما يمنع تسهر وتكحل لاجل هواء النفس وبعدها امسك الباب مهو لازم تكلم فلانه وعلانه وتسوي اجتماعي في بئره كلها فساد واستغلال
الكلام يطول والقلب ميلان حكي للصبح بس لهنا نوقف ونخلي المغرب ذكرى لحين اجازتنا القادمه بعد كم شهر للزواج باذن الله

__________________