اللي مهو قد السماء يترك الحوم .. ويخلي الطولات للي هووها
واللي مهو قد البحر يترك العوم .. ماغشمرت الأمواج من صارعوها
يالله تسخر لي عزيزين وقروم .. اللي لاجتهم صعبتي سهلوها
ولا تحد رجولي على جيت رخوم .. اللي لاجتهم سهلتي صعبوها
مايذبح الإنسان حاجه سوى اللوم .. من جيتٍ جاها ولاقدروها
واللي تخلي مايجي عينه النوم .. الحاجة اللي في يديه وخذوها
الحُر يفرق في فعوله عن البوم .. والناس لولا فعولها مافرّقوها
والا ونِعم ماتْترك ودونها علوم .. لو كان رديان العلوم اتركوها
اللي مهو قد السماء يترك الحوم .. ويخلي الطولات للي هووها
واللي مهو قد البحر يترك العوم .. ماغشمرت الأمواج من صارعوها
اللي يبي الخوة لايسترخص السوم .. قبله كريمين النفوس اشتروها
الخوة اللي مايجي عمرها دوم .. خوة أبو يومين لارحم ابوها