رد: يوميات مخاوي الشنطه بالرباط
جلست أنا وعبسي وكعادتنا في أي سفره ضروري نأخذ جوله حول مكان السكن نستكشف ونشوف وش الوضع الي حولنا حتى يكون فيه فكره ولو بسيطة.
اول ليله تعشينا في كنتاكي الي في شارع فال ولد عمير مقابل الماكدو وأول يوم وأول وجبه لي في المغرب صار عليها مشكله تعرفون كنتاكي شركة عالمية وأسعارها موضحه على لوحات كثيرة داخل المحل طلبنا وجبتين أنا وعبسي وطلع حسابنا زايد فيه عشر دراهم بعد سؤال المحاسب قال هذا بسبب أني ماأقدر أعطيكم نفس السعر إلي في العرض ليش طيب قال هذا العرض غير موجود الأن طبعا تناظر في صورة الوجبة وتناظر في الوجبة إلي معك نفس الشكل ونفس الحجم احترت صراحه وقلت لعبسي اشطب على كنتاكي من القائمه لاحقين عليه إذا رجعنا حنا في ديرت الطواجن وافق عبسي وبقوة.
رجعنا للشقة بعد أخذ جوله سريعة واجتمعنا مع الخادمة في خيمة ملك ملوك افريقيا الي شهدت اجتماعات تاريخيه خصوصا ان مسمى الزنقة له شعبيه هناك وهذه الاجتماعات اثرت على يوميات عبسي وعدنان وهذي صورة الخيمة
طرب طرب يالمزاعيط ذا الخيمه تذكروا ساكنين في شقه!!!!
اتفقنا مع الخادمة نروح المرجان في الصباح اليوم الثاني ونشتري اغراضنا من هناك واي شي نحتاجه طوال الاسبوعين طبعا الخادمة مشاء الله عليها طلعت شقرديه ويعتمد عليها إلى درجة أني بغيت اصيح يوم جيت امشي اخر يوم معلومة عن عدنان قلبه رهيف مايتحمل الفراق حتى لو يفارق ركبة حاشي كيف عاد وهو بديرة المزاعيط اتجه كلا من عدنان وعبسي لغرف النوم وناموا لليوم الثاني استعدادا لذهاب صباحاً إلى المرجان.
اليوم الثاني الصباح مشاء الله حصلنا الفطور جاهز مع العلم أننا ماشرينا شي يوم الوصول لكن توفقنا في الخادمة والشقه وماقصرت معنا طوال ايام السكن.
استعدينا لذهاب للمراجان واخذنا طاكسي من السكن إلى مرجان حي الرياض وقسمنا المهمات لنختصر الوقت عدنان مختص في شراء اغراض الكبسه وملحقاتها والكبسه لي معها وقفات تابعوا كبست عدنان الحلقات القادمة والخادمة مختصه بالطواجن وملحقاتها وأي شي معتاد شراءه وعبسي ؟؟؟؟؟ وصلنا عند الحساب وحاسبة بالبطاقة السياحيه وطلعنا من الباب الجانبي من جهة الماكدو وحنا ماشين صادونا وحنا ماندري ماتدخل الراس لكن هذا الي صار حسيت وقتها بنرجسيه غريبه و أن ودي أتعطر شوي ويركبون معنا في الطاكسي من زود الحرص الي فيهم اكتفينا بأخذ الرقم على أمل يكون فيه اتصال معهم وصرف يامصرف افقع على الشقه لاحقين ماورانا شي.
انتهينا من المرجان وتوجهنا للشقة ورتبنا اغراضنا وعقدت انا وعبسي إجتماع مغلق سري غير معلن لخططنا القادمة و قررت اني اعلن لعبسي هدف رئيسي من اهداف السفر حتى يكون في الصوره على الاقل وجهت له سؤال جس نبض أنت تعرف نظامي حب يومي ماينفع عندي ضروري يكون فيه( لينا) ياعبسي استغرب عبسي وقالي وليش متعب نفسك لا تدخل نفسك في متاهات وخل قلبك عندك عبسي منطقي ويعيش يومه وردة فعله كانت بلا وجع راس بلا دوخه عش يومك ياعدنان وفكنا من الوهم الي أنت عايش فيه الكبيده ديالك مراح تجيك ولا راح توصلها ريح راسك
وريحنا بدأنا في جدول أعمال الاجتماع وقررنا اول يوم نروح الخضراء والصفراء استعداد لرحلات المغامرة واستكشاف المجهول طلعنا ورحنا مقهى جلسنا فيه على اساس انه الخضراء وإلى وقت كتابة التقرير فيه خلاف بيزنطي بيني وبين عبسي على موقع الخضراء عدنان يقول أن الخضراء بين الماكدو والصفراء وعبسي يقول أن الخضراء على الزاوية المقابلة لصفراء يعني بينهم زنقه
المهم جلسنا في الخضراء الي يقصدها عبسي في الجلسات الخارجيه وطلبنا وجلسنا نناظر يمين ويسار وحنا جالسين نشوف الصفرا قدامنا وفي الصالة الداخلية تبع الصفراء واحد يبي يصيدنا على أنه محل ثاني وسيارات تفصل بيننا خلنا نمشي ماش الوضع ركود وعبسي أيد كلامي ومشينا للشقه على أمل العوده مره ثانية .
دخلنا شقتنا واتجهت إلى اهم منطقه عندي في الشقه المطبخ
يمكن تستغربون لكن هذي الحقيقه أنا من عشاق الطبخ واستمتع فيه قلت للخادمة أنا اليوم راح اطبخ لكم كبسه تعرفون مانصبر يومين بدون كبسه تحس أن في شي غلط قاعد يصير وطلبت منها تشوف لنا احد يفتح لنا الشهيه على الكبسه وماقصرت قامت بالمهمه على أكمل وجه وعدنان بدأ في العمل البطولي لأعداد الكبسه لعبسي وللضيوف المرتقبين وصلوا ضيوفنا وكان احد الضيوف شكله مايطمن شكيت في وضعه المهم شغلت الرادار قلت فيه شي غريب فجأه فتح الشنطه اليدويه الخاصه فيه وطلع كيس فيه ايوه هنا الفار بدأ يلعب في عبي هنا سؤال مباغة من عدنان وش هذا الضيف رد هذي حموضه عشان استعد للكبسه قلت له طيب خلني اشوف نوعها حنا حدثت الصدمه طلعت ال ابو قوسين وازيدكم من الشعر بيت وارد ksa عدنان بدأ بتوجيه النصائح لضيف وقاله هذي تزيد الحموضه ماراح يكون لك نفس للكبسه خلها بعد اكل الكبسه واحبس بعدها وافق الضيف بعد جدال يخليها بعد الكبسه.
انتهيت من تجهيز الكبسه وجلسنا على الكبسه وهذي صورتها قبل
وهذي صورتها بعد القصف العشوائي الله يرحمها خصوصا انها اعجبت الضيوف
مادح نفسه كذاب لكن في طلبات على الكبسه لإعدادها مره ثانيه من ضيوف آخرين صار لي سمعه في الزنقه خصوصا ان في معلومه شخصيه تتعلق بعدنان حسب انطباعات سكان الاقامه يتوقعون من الشكل ان عدنان مغربي ويضبط الكبسه صرفت الموضوع قلت خلنا نجرب الطواجن والكبسه كل يوم كبسه اذا رجعت
وسهرنا ليلتنا طبعا الضيف الخاص بعدنان مستوي على جوه ومسكت معه على النت سويت له حظر على النت قلت يمكن تفصل معهم ويروح ينام لكن مافيه فايده جاء الصبح وهو في العلالي قلت شكلك ماراح تنام الا بعد يومين هذا لاب توب وهذا الكنكت تصبح على خير ورحت انا وعبسي واحلى نومه صحيت اليوم الثاني الا وضيوفنا مازالوا موجودين واناظر في وجه ضيفي إلا ماش وجهه عابس قلت له الله يجازي الي كان السبب حتى في المغرب ورانا ورانا وودعناهم وجلست انا وعبسي نشوف انطباعات بعض ونخطط للقادم .