1- حجز سيارتك من قبل السفر و تكون اقتصاديه و رخيصه و اعطيتك الرابط و ابيك تقول لنا تجربتك معاهم لجل اعرف ازكيهم بعد كذا و اخذ من عندهم او لا
2- توجه لعين ذياب و احجز ليله حسب رغبتك من المعلنين او عن طريق البكنق و استفسر قبد تدفع المبلغ ايش اللي لك وايش اللي عليك .. و يفضل الحجز قبل توصل ايضاً
3- ايش تسوي في كازا :
ــ روح سكنك حط اغراضك و خذ لك شور منعش اتوقع بتخلص ع 8 مساء
ــ ما افضل انك تنام اخرج ع كرنيش عين ذياب و تمشى فيه فيه كذا محل شيشه هناك انا اروح احيان مذهله بجوار تروبيكانا اتوقع اسال و ما راح تضيع تنزل له مع درج المكان مو صاخب و يعتبر هادي فيه جلسه خارجيه وداخليه
ــ ما راح تلحق موروكو مول فخليه لرجعتك لكازا
ــ الصباح اصحى و روح تمشى ع الكورنيش لان الجو بيكون خيالي و راح ترتاح لان كل المنغصات ممكن و مو اكيد تكون بالليل بس اقصد الشحاتين
ــ افطر و اتجه ع باب مراكش شوق شعبي و اصرف من هناك اسعارهم حلوه و لا تلتفت لاي احد لان الكل راح يطلب منك تزور محله
ــ اركب سيارتك و توجه لمراكش
4- مراكش :
ــ روح لسكنك اللي تكون حاجزه ريح شوي و توجه للحمام المغربي اللي اعطيتك رابطه و قول لهم انا مزعوط و بلغني ايش يصير معاك و معاملتهم .. خلص ارجع سكنك و بدل ملابسك و اتجه لشارع قليز ( الكافيهات ) لين المغرب و لا تنسى صلاتك صلي و اتجه لـ جامع الفناء فلوسك احرص عليها هناك بينط لك اكثر من شخص اللي معاه قرد واللي معاه كوبرا و اللي منظره غريب تفرج و انت ماشي و لا تتكلم و لا تعطيه وجه بيجري وراك بيطفش و يرجع .. تعشى هناك و ارجع سكنك
ــ اليوم الثاني : بس تصحى اخرج و اسال عن اقرب جامعه و دور اقرب مقهى حولها و استمتع
خلصت فطورك توجه لـ اوريكا و تمنى 10 او قبل الصباح تكون محرك بس توصل دور لك مطعم و احجز عنده وجبه طاجين لانه ممكن ترجع يكون كل شي مخلص قبل تصعد ريح و اشرب لك اتاي و استمتع بالمناظر اللي راح تصور لين تتعب .. انصح تدور لك مرشد تطلع معاه الجبل صعود لشلالات و اتوقع انها 7 و اتفق معاه ع السعر وراح تستمتع بس الصعود متعب وخذ لك لبس رياضي مريح و ابعد عن الجينز ..
ارجع لمطعمك تغدا و اختم بـ اتاي وو توجه لمراكش
اذا حاب ترجع جليز بعد ما يجي ماك ع يسارك وانت واقف في الاشاره كمل سيده بيجيك بعد ماك بقليل ع اليسار محل ايسكريم فخم و ايسكريمه فخم جلسات روعه و تاكد راح ترجع لهم ثاني
بتكون مرهق ارجع السكن و نام
برجع اكمل لك باقي الجدول