يامل قلب لاعه الوقت لاعه
نحرت به قسم الطواري وسلمت

الحق علي ياخبير الاشاعه
تحطمت كل الضلوع وتحطمت

قال اعترف لي قلت سمع وطاعه
شرحت له قصة حياتي وعلمت

أنا بدوي مايعرف اللكاعه
وقعت في سجن المحبه ولاقمت

صرت أعتزل كني ضعيف المناعه
أفضل الكتمان وأفضل الصمت

أخاف من مشروه بعض الجماعه
مير الحقيقه غصب عني تكلمت

يامن تعلمت الجفا والقطاعه
عز الله انك في خفوقي توثمت

أما اعتني بقلب خذيته وداعه
والا علي رجعه لو تكرمت

والله ماعاد أقوى صبر واستطاعه
ان قمت طار النوم وان نمت ماقمت

احيان دوب الحق من الليل ساعه
واحيان يذن مذن الصبح مانمت

__________________
لاتسمع كل ما يقال ولا تقول كل ما تسمع.