رد: تقرير سفرتنا إلى المغرب 2011 (( اللمّبي & العربي باطمة & مصطي & بوقوس))..3000 صور
يوم الاثنين 25/4/2011م
صحتني الخدامة على وقت صلاة الظهر,,,لعمل التوفوسيخه للمرة الثانية,,,تجهزت
وخلعت ملابسي وجابت الخدامة المبخرة,,,وسويت مثل أمس,,,حتى انتهاء وقت
العلاج,,,احسست بالراحة والطمانينة:Abu Ahmed (484):,,,
لبست ملابسي وطلعت للصاله,,,والقى الزير صاحي زي الجني!!:Abu Ahmed (756): مادري متى هالولد
ينام ومتى يصحى!! ماشاء الله عليه الله لايضرة,,,
والقى الولد يناظر مقطع على اليوتيوت وكان مصدوم!!:Abu Ahmed (99):
والمقطع كان صوت للرئيس العراقي الراحل صدام حسين
سمعت المحادثة كاملة,,,وصدمت!!
الصوت قريب جدا من صوت صدام!! وكان يقول ان
اللي اعدم واحد اسمه ميخائيل وليس أنا!!:Abu Ahmed (41): وان المقاومة لازلت مستمرة!!وسوف اظهر
قريباَ!بصراحه امر محير!! وهل هو فعلا مات!! والا خزعبلات وتقليد أصوات؟!!
شوي كذا والخدامة تجهز الفطور كبدة غنم مطبوخة على الطريقة والبهارات المغربية
على كيف كيفكم تاكل اصابعك وراها,,,مع الفورماج والعسل والمربى والاتاي,,,
أفطرنا حنا والضيوف اللي معنا:Abu Ahmed (10):,,,وكان فطور اخر كلام
,,,
تحمدنا ربنا على النعمة,,,وجابت لنا الخدامة اتاي جديد,,,جلسنا نمزمز عليه مع
هالسواليف السنعه,,,
واتفقنا اليوم نطلع برى ونغير جو,,,وكانت الساعه خمس العصر,,,قام كل واحد منا
وتكشخ ولبس وجنتل,,,وطلعنا من الشقة مشي متجهين للتوين سنتر:Abu Ahmed (451):
مقهى فنيسيا أيس بجنب التوين سنتر
وهنا الزير حاب يجرب بطاقتة بالصراف...طبعا بالصورة فيه جني على اليمين!!:Abu Ahmed (787):
لاتتدققون واجد!!
هذا المبنى اللي فيه الماكدونالدز 
اللي ورى التوين سنتر...ينصح زيارتة بوقت الغداء...وراح
تحصلون اشياء طيبة:Abu Ahmed (621):...
واثناء تجربة الزير للبطاقة بالصراف...اخذت لي مقطعين فديو على الطاير للماكدو وموقعة
الجميل بجوار حديقة المهدي بن بركة
وهذي حديقة المهدي بن بركة المقابلة للماكدو
بعدها ماجرب الزير بطاقتة,,, وبعد هالفرفرة والتمتير بين شوارع كازا الحب:Abu Ahmed (153): قررنا نتقهوى
بفنيسيا ايس,,,رحنا للمقهى وكان عامر,,,وخذنا لنا طاولة حلوة مطله على شارع المسيرة,,,
الطريق الى فينيسيا ايس المطل على شارع المسيرة
صور لمنيو المقهى
محل MANGO مقابل المقهى
جلسنا بالمقهى وطلبت انا قهوة نص نص وسيدي علي,,,والزير اظاهر طلب اسبريسو,,,
هذي يد الزير ((زرادية)),,,,حاط ربطه مغاط,,,مسوي الاخ الولد الكول!!
تكينا بالمقهى وكانت جلسة ترد الروح 
على هالشمس اللطيفة والهواء
المنعش,,,والسواليف الزينة,,,اه ياكازا:Abu Ahmed (153):,,,جلسة على هالشارع الحيوي والنشط والناس
مارة رايحه وجاية,,,اللي فيهم الزين واللي شين,,,والناس بحالها وموسعه
الصدر,,,ياخي ليش مايصير عندنا زي كذا ياخي!!:Abu Ahmed (712): حنا اذا رحنا لمقاهينا اللي بالرياض ناس
رافعه خشمها 
وكل واحد فيهم مسوي انه الوليد بن طلال وسيارته بالاخير أقصاد
ومنتف!! واللي وجه معبس ومعصب تقول جاي لعزاء والا ميّتم مو مقهى!!
وهذي مقاطع فديو من مكان جلستنا بالقهوة,,,وتلاحضون البوديقارد:Abu Ahmed (510): حق المقهى يحاول
يترزز أعداهم الفريان:Abu Ahmed (95):
تكينا ودردشنا,,,بعدها حاسبنا ومشينا للتوين,,,خذنا فيه كذا لفة,,,وبعدها نزلنا للمقهى
اللي بالدور الارضي,,,جلسنا فيه,,,العربي مسكت معه ناكل خفايف,,,وينادي القرسون
ويقول له ((وش عندكم من بنيني!!)),,وقام القرسون ويعدد له الانواع,,,انا جلست اناظر
بالزير واقول بنفسي ((وشو ذا البنيني؟!!))
واهوجس واخبر العربي من سكان
الشرقية,,,,واقول لايكون الولد طايح في اكلات شيعية والا ايرانية والا مطاريس اهل
الشرقية!! ويبيني ادق معه!!:Abu Ahmed (824):
شوي كذا ويخمني العربي بسؤال : (( تبي بنيني فورماج؟!!)) ,,,وانا من زود الربكة قلت
ايه ولا ادري وشي!!,,ويطلب الزير اثنين بنيني فورماج و اثنين شاي نعناع,,,وراح
القرسون يحضر الطلب,,,وانا اقول الله يستر ذا وش يبي يوكلنا!!
وجاء في بالي مطاريس
ابو يمن اللي يجيب لك شوربة وتحط معها خل قبل الكبدة,,,قلت لاتكون ياولد شوربة؟:Abu Ahmed (41):
بس غريبة شوربة بالجبن؟!! ماتجي,,,
المهم جلسنا نسولف,,,وأنا على اعصابي مادري وش بأكل,,,شوي كذا ويجي العامل
ويحط الاكل على الطاولة مع الشاهي,,,واناظر؟
والا البنيني عبارة عن فطائر!!
يعني بدال ماتقول فطيرة جبن
,,,تقول بنيني جبن او
فورماج!!:D وامسك لك الفطيرة واكلها اكل ماصدقت تطلع فطائر!!
بصراحه طعمها لذيلذ وخصوصا مع الشاهي بالنعناع,,,
خلصنا ماكلين بنيني ,,,ونحاسب العامل ب 100 درهم,,,ونقوم وناخذ لنا لفة
بالسوق,,,وكان شرح ويوسع الصدر,,,وقررنا نطلع فوق ونتكي بالمنتي كريستو,,,
جلسنا فيه وكان الحضور جيد,,,طلبت انا كابتشينو والزير مادري وش طلب,,,شوي كذا
ويدخل واحد طاق الثوب الشتوي والغترة والعقال!!!
تقول الاخ كاشت بالنعيرية مو بمقهى بالمغرب!!ويدرعم بين الطاولات ومعه السبحه
بيدة!! وكان اسلوبة همجي ونظراته نظرة مشفوح!!!
يعني بصراحه بفهم طاق الثوب والشخص ليش!! وين رايح له الاخ!! مزايين الأبل والا
مهرجان الجنادرية!! ياخي احترم الذوق العام والبس زي الاوادم والناس!!
بصراحه كان شكل الادمي ملفت للنظر!! وجاذب الشباب والكل الله لايبلانا,,,
كملنا جلستنا شوي,,,وطلبت موية وكافي ثاني,,,وبعدها حاسبنا ب 200 درهم وطلعنا,,,
رحنا للشقة مشي,,,وصلنا ودخلنا وتكينا بالصاله شوي,,,واجلس أشيك على النت,,,
والقى شيخ المزاعيط:Abu Ahmed (757): مرسل لي رسالة على الخاص,,,يبي صور لمقهى بروشي دورية
وطلبك مجاب يابو راشد,,,وتحصل المعلومات على هالرابط,,,
بعد الجلسة الهادية بالصالة,,,يجيني اتصال من روميو الرومنسي:Abu Ahmed (214):,,,
>>>>>>>>>> : (( الو...مساء الخير لمبي))
>>>>>>>>>> : (( هلا..مساء الانوار))
[
>>>>>>>>>> : (( اسمع!! خلاص لاعاد تدق على امينة..ضبطت الامور وكل شي انتهى
))
>>>>>>>>>> : (( وش ضبطت؟!! مافهمت عليك!))
[
>>>>>>>>>> : (( سوبر ستار المزاعيط DEQA كلم عبداللطيف واتفق معه بسعر 1600 درهم لليوم على يوم الاربعاء وبيجيني للمطار))
>>>>>>>>>> : ((عبداللطيف!!!!!
))
[
>>>>>>>>>> : (( ايه..السواق اللي عند امينة..كلمته انا بعد وبيجيني الاربعاء المطار وبيوديني للشقة...))
>>>>>>>>>> : (( ايه اعرفة...والله مادري وش اقول لك!! عبداللطيف هذا ماهضمتة وكثيرين يتشكون منه انه لعاب!! بس مادام DEQA يتعامل معة كثير وكلمة واتفق معه خلاص))
[
>>>>>>>>>> : (( ايه DEQA يعرفه زين واتفق معه على السعر وعلى كل شي...))
>>>>>>>>>> : (( يعني خلاص ماعاد ادق على الخدامة ولا امينة؟...لانهم عطوني وعد يوم الاربعاء بتكون لنا شقة رشيدة...))
[
>>>>>>>>>> : (( ايه ايه خلاص لاعاد تدق عليهم ولاشي...نسقنا مع عبداللطيف وكل شي انتهى...ووعدنا الاربعاء))
>>>>>>>>>> : ((اجل خلاص...وهو كذلك...مع السلامة))
[
>>>>>>>>>> : ((مع السلامة..))
سكرت السماعه,,,وقلبي حاس ان الامور راح تخرب مادام فيها عبداللطيف!! :Abu Ahmed (103):لان
هالادمي كذاب وكذا واحد يشتكي منة!!!
المهم جلسنا بالصالة شوي,,,والا الشغاله فطوم تجيب لنا الغداء,,,طاجن حوت محشي
بالرز تأكل اصابعك وراه,,,وناخذ لنا سوبلكس على الطاولة انا والزير,,,,والحق
ماتحلق:Abu Ahmed (10):,,,,بصراحة احلى طاجن حوت كلته بحياتي,,,عليه طعم خورافي تسلم ايدين
من سواها,,,
بعد هالحوت اللذيذ,,,تسدحنا شوي بالصالة من قوة التخمة,,,شوي ويجونا شله شباب
زقرت طيبين وكنا عازمين خوينا اللي زعل اول يوم راعي ((بابا...ماما...ماكدو)),,,
بدت السهرة,,,,وكانت واعرة وخلابة,,,واللبن الخاثر اللي من قطر انسف ذاك
اليوم:Abu Ahmed (212)::Abu Ahmed (212):,,,والزير نسف حليب الخلفات من أجل خوينا ابو دفرنسين,,,
ذيك الليله ومع هالهواء البارد اللطيف وجونا في السماء,,,لفحني برد وانا مأدري,,,وبدت
اعراض الزكام والرشح,,,
كملنا السهره,,,وكان فيها استهبال وضحك,,,شوي وتجيك الخدامة سعاد بطاجن لحم
بالخضر اللي من يوم مافتحت الغطاء والسعابيل بدت تقوطر:Abu Ahmed (792):,,,
حطت الطاجن على الطاولة وضبطت السفرة,,,ونتعشاء حنا والشباب على هالطاجن
الملكي,,,وندسمها بكاسين لبن:Abu Ahmed (479):,,,وصرت بعدها ماعاد اشوف:c1razy:,,,
المهم استئذنت هالسهرة السعيدة,,,وانا بإتجاه غرفتي امشي كني محرول!! صاير
خاثر واترنح مثل البعير الفاهي,,مادري وشلون دخلت الغرفة:Abu Ahmed (767):,,,واهبد بالجدار ثم طحت على السرير ورقدت!!
فاصل ونواصل...
محبكم اللمّبي:Abu Ahmed (708):
ترقبوا بالحلقة القادمة....
بعنوان : (( Café Argana ))
الاحداث :
* خذ رااااااااااااااااااااحتك..((بابا...ماما...فرايديز))
* وجه النحس والشؤم شرف يوم الربوع!
* منكح عبداللطيف!! :Abu Ahmed (76):لروميو الرومنسي ولطعة المطار!
* شقة أمال...
* هزيمة الملكي بصافرة التحكيم! وفرحة جمهور الفقر (برثلونة) !!
* تفجير صباح الخميس بمراكش!