اقتباس:
المشاركة الأصلية كتبت بواسطة منصور الشريف
طبعا كانت رحلتي اليوم الساعة ٣ العصر من السعودية. الرياض. كازا طبعا معنا واحد. من جدة وصاحبي من الرياض
للأسف أنا اول مره اروح للمغرب. رغم أني اسافر أوروبا كثير. ولي خبرتي في السفر بس صاحبنا من حدة داعي مغرب. وقال ازهلوها. طبعا هو صديق صديقي هههههههه. فهمتوها. المهم أنا من اول مو عاجبني الترتيب وكل ماقتل هاه ياشباب قالوا ماعليك. طبعا أنا متعود سفراتي. مااطلع من الرياض الا كل أموري جاهزه وعارف وين اروح وين أجي. على الأقل فيه خطه شغل. انزل واقعد فرفر في الشوارع وتلقى وماتلقى. الزبدة كان الترتيب سئ بس قلت خلني اشوف آخرتها. صحيت الصبح الا صاحبنا بجدة مرسل رسالة ان شرط المطار وقفوني يقولون راجع المحكمة
ولا اقدر اسافر وجولاته تقفلت قلت لصاحبي بالرياض. وش علم صاحبك. راعي المغرب بتسفرنا مع مطلوبين هذي بدايتها ههههههه. طبعا ضايقني كثير الموضوع قلت لصاحبي نروح أنا وياك. خلاص. وش نسوي قالي اشلون اروح وخووي مادري. وش صار عليه قلت امش أنا اضبطك. راح استخدم قدراتي لكن للأسف الرجال طلع ماش
طبعا أنا عصبت وقلت أصلا يفوتكم حوسه من اول يوم وهذي خيرة. مااسافر معاكم. طبعا كنسلت حجري قبل شوي
وقاعد ابحث عن حجز بعد ١٠ ايام. بروح لوحدي الي له خاطر يخاويني حياه الله أنا من الرياض وإذا ودة مقابلة شخصيه قبل السفره أنا حاضر الزبدة. انقهرت من الشباب وانحرجت مع مديري في العمل وسببوا لي احراج من كل النواحي زين مديري تفهم الموضوع وقال تعال داوم واطلع اجازة. ثانية وسلامتكم.
صباح الخير اخوي منصور
اذا انت وحداني وش جوك اذا انت راعي تمشيه ومناظر وتراث وتصوير عاادي تكون لحالك لكن يلزم تكون حرص شوي على نفسك . في كل حاجه وتسكن في اي فندددق .
اما اذا كنت راعي سهر ولخبطه فانصحك بالخوي لانك مانت مرتاح نفسين اسئل مجرب جربت السفر وحداني ممتعه اذا اني مالي فالسهر و؟؟؟؟ اما اذا فيه ؟؟؟؟ والله ماترتاح نفسين لزم خوي يرد الصوت عليك وتامنه على نفسك ولا اي خووي .
ياخووي ان حصلت اخووو مخلي اخووه الصغير من امه وابوه في ملهى ورايح للشقه معا صاحبته . راجع تقريري وتقرى السالفه .
وسفره سعيدددده ان شااء الله . واذا محتاج شي من مراكش من عيوني .