الحذر من نشر مقاطع الفيديو او عمل قروبات خاصة في السناب .
الحكايه مش حكايه صح والا غلط نسويه ،،
اخونا صاحب الموضوع كلامه منطقي جدا
كلنا نزعل ليش الدرك يشد حيله بالحملات
ليش الدرك مشددين بموضوع البنات والمنتجعات
ليش الدرك مكثف الحملات
وليش ليش وليش ... الخ
ياجماعة انا شفت اكثر من 10 سنابات جاتني
كلها مختصه بسهرات مراكش وكل شي يصير فيها
يعني اشوف اللي ينزل بالسنابات
بنات ترقص / شرب / / دعاره
واللي يبي يضيف فلانه وعلانه اللي ظهرت بالمقطع
واللي يبي يسهر يضيف الرقم الفلاني ... الخ
كل مايخطر في بالكم من الغلط موجود بالسنابات
بشكل واضح وبشكل علني لكل اللي يبي
مثل مايقولون اللي مايشتري يتفرج !
طيب ياجماعه الخير كلنا نغلط
ولكن مثل ماقالت فطوم ،، استر نفسك ياخي
ليش يعني تصير رقم 1 في السنابات
تعالو شوفو سهرة اليوم والا سكرة اليوم !
طيب ليش انزين انت كذا تفتح عيون الناس
والناس هذول يقومون على الحكومه
ان الفساد زايد عن حده في البلد
والحكومه تشد حيلها وقراراتها بالحملات
والسبب بالنهايه ( طيش المراهقين )
اللي قاعدين يسوونه بقروبات السناب وغيره
( اذا بليتم فاستتروا ) ليش يعني كل شي بالعلن
وعقب نزعل يوم الدرك يطشرنا من الديره !
الله يعين بس ماودانا بداهيه الا هالامور التافهه