بالي جزيره جميله جداً و جوها بحري بحت
يعني النهار سباحه و نشاطات بحريه و بالليل بارات و ديسكوهات شارع جهنم
و فيه الي يسمونه الجبل فيه منظار خلابه و جبل الدخان ( بركان خامد ) و التجديف في النهر و مزارع القهوه و انتبه من اغلى قهوه بالعالم ههههههههههههههههه
اذا ما خانتني الذاكره بالي فيها ما يقارب سبع شواطئ كل شاطئ له طابعه الخاص
فيه ووك بيتش و هذا الرئيسي او يسمونه شاطئ الغروب بعد و فيه ممشى و مخلينه حق تان و لعب كوره و سباحه و ركوب امواج
و فيه دريم لاند بيتش او شاطئ الأحلام و هذا يتميز بحافه جبليه جميله على يسار الشاطئ و فيه فندق يمينه و مرتفع شوي عن الشاطئ و جلساته ع المسبح روعه و هذا شاطئ اصغر من الاول و نفس النظام
و عندك شاطئ الالعاب البحريه و هذا ما فيه غير النشاطات البحريه و ما تلقى ناس يسون تان او يلعبون كوره نشاطات بحريه بس و كلها روعه
و الباقيه ما جيتها للأمانه
اما الفنادق انا انصحك تاخذ فندق على الشاطئ الرئيسي ( الغروب ) مباشره و بتفلها
و اذا ما خاب ظني فيه مطعم عربي بس انا ما رحت له

و الاسعار و المصاريف متوسطه و تقدر تستانس ب معدل ٥٠٠ الى ٧٥٠ باليوم مع حساب انه في يوم بتصرف ١٠٠٠ مع الالعاب البحريه و الروحه و الجيه و يوم ما راح تصرف ٥٠٠
و ترى نظام المكاسر ماشي سوقه بقوه مع الالعاب البحريه