الجزء الرابع (مراكش)
اول شي حاب اقول لكم انه مراكش ما تعجبني و لااعرف اتصرف بمراكش بصراحه لكن رحت مراكش مجبور.
سكنت بالسوفيتيل فندق يملك من الفخامة فقط الاسم فلا تتوقع انه سوفيتيل ٥ نجوم بمستوي فنادق ٥ نجوم الثانية و غالية علي الفاضي الغرفة كانت ب ٢٣٠٠ درهم اقل سعر و اذا معك ضيف تفتح غرفة ثانية بنفس السعر و الغرف العادية او الاستاندر اتكون بعيده جداً من مدخل الفندق لازم اتكون رياضي وانت طالع او راجع. وصلت مراكش العصر و طلعت مع جماعتي الي كانوا حاجزين في مطعم
mariinski
للعشا شغل راقي ايطالي حلو وبعدها تمشية بضواحي مراكش و رجعت ارتاح شويه بالفندق و بالليل طبيت علي So lounge بنفس الفندق طبعاً بدون رسوم دخولية اذا انت نازل بنفس الفندق شغل ديجي اجنبي و بعدها رحت علي كاش سعر الطاولة ٢٥٠٠ الامامية حجزت عن طريق نوال جوه عربي حلو واعر مزيان و طبعاً اخر السهره طار مدواخي من الطاولة او انا نسيته بمكان ما اعرف رجعت الفندق و انا جوي مخترب بسبب المدواخ حاولت مع السجاير و الشيشة ما جابت نتيجه و بعدها غدا في مطعم الفاسية مطعم اكل مغربي لذيذ و مستواه عالي لمحبي التذوق الاكل المغربي وصرت امر علي أكشاك السجاير اوريهم صور المدواخ عل وعسى حد يعرفه اخر شي واحد قال لي بتلاقيه في ساحة الفنا اسمها (البايبة) او (البيبة) المهم قلت اتعشي بجليز لكن ليتني ما تعشيت فيه ..
و للحديث بقية .......