جيتي مع العيد وتسألي وش أخبارك
الحمدلله على قيد الفرح .. باااقي !!
احلامي الخضرا يبست من هوا نارك
واغصاني باقي غصن في اخر اعماقي
شكراً على فرحك الزايد وش اعذارك
انك نسيتي الوفا من قلبك الراقي ؟
مابه مواعيد تسعفني إلى دارك
آنا الصدى لو يموت السمع ب ابواقي
في غيبتك كنت أعيش بْدون اجبارك
كنت آخذ الليل موعد حزنك الشاقي
لين انحنى ظهر أحلامي من أسرارك
وتساقط الصبر من صدري على ساقي
ليتك رميتي الجفى من عالي جدارك
ما كان مات الوصل من صوتك الهاقي
ويا ليت باقي الأمل عالق ف مسمارك
ما كنت حطيت باقي العمر معلاقي
واليوم جيتي وتقولي عيدك مبارك
أي عيد باقي معك او قولي وش باقي ؟
..