يارب ترحمني وانا عبد مرتـاب
ابي من النظرات نظره رؤفه
لو أخفي الاسباب بتشوف الاسباب
ياخالق قلبي وعارف وصوفه
مؤمن بما أنزل على محمد من كتاب
حافظ من الايات واثمن حروفه
يارب تفتح لي من الرحمه ابواب
من قبل يلحقني الندم والحسوفه
اللي يحب الله ماهو بمغتاب
والنفس يوم تحب تبقى عيوفه
حتى الفرح من غاب ماسجل غياب
وانا عذرته قبل يشكي ظروفه
والحزن يعرف بابي ويطرق الباب
ضيف يشرفني ولا به كلوفه
دايم يعاتبني ولا يسمع اعتاب
حتى مع الاحزان نفسي عطوفه
احيانًا نعشق شخص من باب الاعجاب
ماهو علشان اشياء ولا ابغى معروفه
الحب نظره قالها انسان كذاب
حنا نحب محمد ولا نشـوفه ..