الجزء التاسع (طنجة العالية)
اعتذر عن التأخير بسبب انشغالي بالعمل
بعد قضاء ٢٤ ساعة سوداء في كازا قررت اني امشي على طنجة العالية اغير جو مع بعض الاحباب و كنت مبيت النية اني ما أجلس أكثر من ٢٤ ساعه لارتباطات ثانية بكازا فعملت اتصالاتي وانا بالطريق بخصوص السكن بطنجة لمدة يوم واحد و تم الاتفاق علي شقة نظيفة و عصرية و مرتبه خلف وكالة فولفو بسعر (٨٠٠) درهم و واجهتني مشكلة كيف ألاقي أغلب الاحباب خلال ٢٤ ساعه وجتني فكرة جهنمية كلمت الاحباب بالواتس اب و قلت لهم اني باسبانيا مع الشغل و اني راح احاول اجي اشوفهم و ارجع و طبعاً كلهم يعرفون انه شغلي اكثر شي خارج الدولة و اكون باوروبا بين فترة و اخري كانت المواعيد مع ٤ و موعد واحد التغى بسبب عدم وجودهم بطنجة وصلت طنجة الساعه ٤ تقريبا و خذيت السكن و علي طول رحت الي مقهي كابتشينو علشان عشيقتي (كريب املو) و انا بالمقهي اتصلت بجماعتي و قلت لهم اني وصلت طنجه علشان اشوفهم و عندي فرصة كم ساعه اشوفهم فيها و بعدها لازم ارجع علي اسبانيا لظروف العمل و تواعدنا نتلاقي في مقهى كانديسكاي و اتصلت علي الجماعه الي بعدهم و قلت لهم اني وصلت تعبان و لازم انام شوي لما اصحى نتلاقى و طرشت علي الواتساب علي الجماعه رقم ٣ قلت لهم عندي فرصة الصباح اتلاقى معاهم المهم رحت مقهي كانديسكاي و تلاقيت مع الجماعه الاولي واستانست معاهم و عند الساعه ٨ قلت لهم استاذنكم لازم امشي علي الميناء علشان ارجع توادعنا و بعدها خذيت دش و بدلت و كلمت الجماعه رقم ٢ قلت لهم اني توني صحيت من النوم و تواعدنا نتلاقى عند كانديسكاي تلاقينا و مشينا علي مطعم (فيلا جوزفين) مكان رايق و راقي و حلو شغل رومانسيه و طلع المكان تقريباً مثل الفندق و عندهم ١٠ غرف للايجار طلع حساب العشا تقريبا (١٠٠٠) و شوي و المطعم يسكر تقريباً الساعه ١١ لكن تقدر تقعد فيه علي كيفك جلسنا لين الساعه ١ بالليل و بعدها رجعت الشقة الصباح قمت من النوم نشيط و مستانس اتصلت علي الجماعه رقم ٣ و تواعدنا نتلاقي بكانديسكاي و تلاقينا بالكوفي و خذينا من عندهم تشكيلة من الفطور المغربي لذيذ جداً و فيه الاطباق الصباحية بالمغرب مثل البيصاره و الجبن و العسل و ٣ انواع من الخبز عند الظهر الساعه ١ استاذنت منهم علي اساس برجع علي اسبانيا و توادعنا بصراحه غيرت جو و غيرت مزاجي.
للحديث بقية........