ترانيم لمسا .....
يالي عزيتي فينا تاخد بديك ورقة وقلام
تكتب و تبعث لينا كلمة ماشي عيبة و حرام
واه داك الغافل بالي بينا خاف علينا راك عزيز علينا
اوقتاش تلاقينا ليام راه اليوم الفراق صعيب
واه داك الغافل عزيز والله الا عزيز علينا
كل يوم كننكتب ليك كل ما هاجت بيه الروح
نلومك و نعاتب عليك و يبقى لي قلبك مفتوح
و علاش تغيرتي عاهدنا بك قلبك طيب و سمـوح
رميت شواقي عار عليك
مستحيل نعيش بلا بيـك
فيك الوالي و فيك كل شيء
مستحيل نعيش بلا بيك و طعم الدنيا يحلى لي
عزيز والله الا عزيز علينا
سمعناهم اقولو الحمام كيتوه و يهجر مكانو
شهور و عوام و من بعد يتفكر يرجع لعشو و زمانو
انت وانت فين داتك ليام فين
الربيع توحش لوانو
حتى شيء في الدنيا ما ساهل
صبرت البارح و نصبر اليوم
و انت مكتوبي بالكامل كان فوق جبيني مكتوب
عزيز والله الى عزيز