اقتباس:
المشاركة الأصلية كتبت بواسطة Abdulraouf
ياما عطينا وما حسبنا عطانا
ويا مـا اخـذنا من الزمـان التجاريب
واللي بيدينا مـا يطـول معانا
واللي يدش الجيب يطلع من الجيب
قل للضعوف اللي تفتش ورانا
تبطـون / مـا تلقـون فينا ولا عيب
ياللي تعذربنا وتبحث خفانا
راجــع حسـاباتك وتلقـا العـذاريب
وان كان تنشد عقبها وش بلانا .. ؟
حنا بـلانا الطيب ونمـوت بالطيب
الطيب خير من الردى في هوانا
واللي هـوا له شـي فيما هـوا يشيب
نفتل شـواربنا ونكـرم لـحـانـا
ان كـانهــا فـي حــق والا مـواجيب
ونحمي عوايدنا وسـتر قصرانا
ونفـزع ليا منه عـوا الـذيب للذيب
ونلبي المـحتاج لامـن نصـانـا
ونعــاونـه ولا نــدور مــكــاسـيب
وما نسـال المحتاج وشهو جزانا
الله يـجـازينا وهـو عـالـم الغـيب
ونقـدر الـداعـي ليامـن دعـانا
وفـي مشـينا هيبه وعـز وتراحيب
والشـر نقصر عنْه والله كفانا
لـكـن لاثـارت يـديـنا مـخـاضـيب
ما اقول محد ٍ واصـل ٍ مسـتوانا
كـل ٍ لـه فعـوله وله قسم بالطيب
محمد الصواغ.
صح لسان الشاعر
وتسلم ايدك يالغالي ذوق راقي
تقبل تحياتي وودي الاخوي