ع ماوصلنا كان النداء الأخير وطرنا ع كازا الساعه ٢ وربع وجات الغيبوبة ماصحينا الى اربطو الاحزمه بننزل هنا لحظات فكت ام مخي مع النزول والكفرات نزلت والسماء باقي تحت كان غيوم متلبده تحتنا فجاه بدون سابق إنذار هبطنا كان ضباب فضيع وبدا التصفيق الحار للكابتن ع الهبوط الخورافي ❤️ نزلنا للمطار عبينا أوراق الشرطه حقتهم طبعاً بعد تعليمات الكنق ابوسلطان جينا ع الجوازت يتكلم اقول ماصرفت يتكلم مره ثانيه أطول الصوت والحمدلله امورنا في السليم خلصنا من الجوازات والجمارك ورحنا ع الصرف كان في اكثر من بنك بس كان البنك الشعبي الأفضل من ناحية الصرف الريال مقابل الدرهم ٢.٥٦٠ صرفنا كل الفلوس الي معنا ووزعناها كان السائق ب الانتظار طلعنا كل واحد معه شنطته اجتمعو علينا شباب يشكلون عصابات الى يشيلون معك ب الغصب شلنا شناطنا وعقب الموت افتكينا منهم ب ٥٠ درهم تقريباً رحنا ع مراكش وكان الطريق ممتع من اجواء خورافية وصلنا ع مراكش كلمتنا الأخت (صباح) قالت المنتجع فيه ريح وماشابة ذالك ووفرنا لكم فلة قلنا مايصير قالت هذا الي حاصل وومفضين المنتجع ب الكامل عشان هالمشكلة قلنا نروح نشوف الفلة ونحكم ودنا على فله طريق فاس بعيده شوي دخلنا وكانت الفله مقبولة واثاثها كويس قلنا نجلس اليوم وبكره طالعين قالت اوك كلمنا السواق يجيب الغدا جاء الغدا وتغدينا واحلى نومه صحينا على ٩ وبدت الرعب كانت الفله موحشه الى ابعد درجه ظلام وكانت الكلاب البوليسية اعزكم الله تنبح بكل وقت جلسنا الين الصباح ونمنا صحينا العصر بنمشي للمنتجع جاتنا صباح قالت ماينفع انتم مددتو يوم لان التشيك أوت يكون هنا الظهر (-- اول مره اسمع تشيك أوت الظهر قلنا والحل قالت بكره تطلعون ومن بكره صحينا بدري مره وطلعنا وجينا المنتجع الي يقع على طريق وررزات بعيده نوعاً ما كانت الفله روعه تتكون من ٤ غرف تحت مع صاله ومطبخ وكل غرفه ماستر وغرفتين فوق وغرفه لحالها مقابله المسبح بعد السوال عن الفله لان كنّا شاكين ان اليومين الي راحت هي تصريفه كبت العفش الشغاله وقالت كان في اجانب مددو يومين وكأنو يبون يمددون اكثر بس رفضو المنتجع (هذا الي خلاني اقول ما راح أرجع للمنتجع مره ثانيه ) مافيه احترام للمستأجر بس كانت صباح متعاونه الى ابعد درجه وكانت تقول اي شي تبونه عيوني لكم هذا نستنا اليومين الي راحت علينا الحين عاد انتهت قصة الفلة الحين نقول لكم المميزات والسلبيات ف الفلة نجي ع المميزات ( ضيوفك في اي وقت يدخلون الصوت داخل الفله فري الاثاث وخدمه الغرف من ناحية الترتيب روعه اما السلبيات مشكله المنتجع مو معروف وبعيد مره و الاتصال فيه ضعيف مررررره من ناحية النت والغسيل حق الملابس كان سيّء . هذا من ناحية الفلة اما السائق كان معنا اخ سادس لنا مو سايق اسمه محمد الكلمات تعجز عن الوصف اخلاق واحترام الحمدلله نتعرف ع اشخاص مثل هالشخص الذوق بكل شي والامانة . التقرير ١- الاكل في المغرب رخيصه جداً مو مثل مانتصور ٢- الأمان والله امينه ونصب الي يقول في مضايقات ابداً مافي ب النسبه لنا ٣- اعرف ميزانيتك اليومية وراح ترتاح جداً ٤- ابتعد عن المشاكل وخلك في حالك تعيش ملك هناك ٥- برا أماكن السهر بتسمع كلام كثير لاكن اسمع من هنا وطلعه من هنا ٦- الاكل المغربي من اجمل الاكل الي اكلته بحياتي ٧- الجو في اكتوبر لا يعلى عليه
واسف على الاطالة اي خدمه انا موجود ويارب اقدر أساعدك في حاجه ماتخليني أتحمل ذنب غيري . شكر وتقدير للاشخاص جعلو من السفره ممتعه اخوياي الي معي طبعاً جعلني مافقدكم وشكر خاص جداً ل اخو قلبي ابوسلطان تعبت معنا تطمن أكلنا وترتب جدولنا انت شي كبير لكل الي معي ماقصرت وكلمة شكراً ماتوفيك حقك الأخ السائق محمد شكراً ع امانتك واحترامك وشكراً من ألقلب عن دفاعك عنا اذا احد تكلم علينا احبك بزززاف الأخت صبوحه انتي والله غير اُسلوب وذوق ويواجه كانت تقول اذا حصلت لكم مشكله حتى لو كنت نايمه اتصلو علي وانا هنا في خدمتكم شكراً من اعماق القلب وفي الاخر اشكر اعضاء المنتدى الراقيين في افكارهم استفدنا وبطرحهم ارتقينا اداره المنتدى شكراً ع توثيق الحجز والتاكيد والتعامل الأكثر من رائع . خاطرة صدق من قال في المغرب سحر بس كان السحر الحلال سأعود يوما ما