قالوا حكوا بك قلت وش هم يقولون
ويش قيل فينا يا لوجيه الفليحه
شوفوا مرد الهرج وش هم يطرون
حتى نعرف مزوّره من صحيحه
كان الكلام من المعادي على هون
بعض المسيه بالمجالس مديحه
تجيه عربان من الله ومخافون
عن الظليمه ينصحونه نصيحه
كم واحد بعروض الأجواد مفتون
وهو سلومه يفضحنه فضيحه
وكم واحد يطعن وهو فيه وطعون
يذم ريح الناس والشين ريحه
بعض كلام الناس تهمات وظنون
قول تنميه الوجيه الوكيمه
*********
__________________
كلآم الناس بالنسبة لي ،، مكآلمة لم يتم الرد عليهآ ..!!!