المشاركة الأصلية كتبت بواسطة موكـوسـ كبيدتيـ

بيض الله وجهك اخوي خاسر والحمدالله ع سلامتكك !

معلومات مفيده وكنت معنا كل يوم بيومه واستفدنا منك الكثير ماقصرت

واتمنى لك حياه سعيده وصحه دائمه [emoji257]

المشاركة الأصلية كتبت بواسطة 3aziz

الحمد لله ع سلامتك وماقصرت ياجاسر ع مشاركتنا يومياتك من اول الرحلة لاخرها



اما بالنسبة للميزانية المغرب البلد الوحيد الي يبيلك تحسب ميزانيتك فيه !



لأن ان فكيت اللمت خرب جدول سفرتك وانتهت رحلتك بأول ايامها وان شحيت ع نفسك ضيعت جدول رحلتك



وندمت عند الرجوع او اخر يوم في الرحلة انك وفرت شي من الميزانية يزيدك ندامة ع شحك ع نفسك !



فلذلك السفرة للمغرب خصيصا احسبها مرة ومرتين وثلاث قبل تسافر



ونظم لنفسك جدول باسعار سكن وسيارة متوقعة مع فائض بسيط احتياطي لكل سعر كذا تكون بالسليم !





ومايمنع مبلغ متوسط تأمين لكامل الرحلة !





اخيراً من زار المغرب كثير يعرف ان اهل الهياط او المبذرين هم من تنتهي اخر ايام رحلتهم بحوالات بنكية



وافزع يافلان واخر ايامهم على خبز وجبن كاس ويقول يالله سترك لين يوصل المطار !



وش حدك ياخوي نظم ميزانيتك ونظم امورك!



مثال : اليوم العشاء والسهرة في مكان كلاس ال SO كمثال وبكرى مطعم متوسط من اي المطاعم



وسهرة متوسطة ومعقولة واليوم الي بعده سياحة ثم السهر من جديد بمكان كلاس وانت ماشي



كلامي هنا يااخوان ماهو انشب لخوياك وانت في السفرة كم هذا وكم خذيتو هذا والفلة غالية وماقلتو لي



هالشي اشوفه مقزز وماهو مقبول منطقياً



لا يااخوان الي اقصده اعداد الميزانية وتوقع الاسعار والاتفاق عليها قبل السفرة !



بالنسبة للفرد ضروري يعمل حسابه ويحسبها قبل يسافر وبالنسبة للمجموعة بعد الاتفاق ياشباب سعره الفله



كذا الشقق ترى اسعارها كذا السهر كذا وانت ماشي والافضل واحد يثقون فيه مايفتح اللمت لاطار



بالعجه واحد يطبق الميزانية صح يصير هو الي عنده الصرف وهو مسؤول الرحلة



كذا صدقوني يااخوان ترجع تشكر خويك منظم الرحلة وتكون فليتها وغيرت جو بصرف معقول ولارديت



بخاطرك شي





طبعاً هنا اتكلم عن المزاعيط الي مثل حال الاغلبية اما الهوامير الي مايدري كم رصيده



وموضوع الصرف مايفرق ولافكر فيه وهم قله مستبعدين عسى الله يوفقنا ويرزقنا وياهم





تحياتي