الجوّ ملهِم .. و السّما تمتلي غيم
و آشوف نجمتها تناجي قمرها
و آصدّ عن كلّ المخاليق و آهيم
و اتأمّل غْيومٍ يسولف عطِرها
هذا المسا مَسكونْ مَسكونْ يا الريم
بـــ اشيا كثيره متعِبه في حصِرها
الناس و الهوجاس .. و افكار تنجيم !
و استغفر الله و الذنوب و عذِرها
القيد و الخِذلان .. رفضي لــِـ تحريم
إحساس حــوّا .. و حرْفها معْ فكِرها
الخوف و الحِرمان .. شوقي لــْ تقاسيم
ذِكرى رمتني بين مدْها و جزِرها
الاسئله و البرْد .. رغبات ترميم
روحٍ كسرْها الوقت .. يا كم كسرها !
و احلامي اللي صدّقت كذبة الديم
و اشياء أخرى ما أروم أختصِرها
و العين تتحامل بلا أيّ تسليم
لـــ الدمعه اللي تحتِبس في نظَرها
و تْناست السين الذي ما لقى جيم
غضّتْ عن اوجاعِ الليالي بصَرها
و الرّوح لاذتْ بـ انعتاقٍ و تكميم
لـــ افواهِ ذاكرْةٍ لِسَعني جمِرها
يا الذاكره عفواً .. بليّا مَراسيم
لــ الحزْن .. خلّي الروح تزرع زهرها
يا الذاكره عفواً .. و خلّيني آهيم
و اتأمّل غْيومٍ يسبِّح مطَرها
__________________
بَينْ الضِلوْعّ بَنيِتْ لكْ “ مَجلِسْ غَـلآ”
[ وخَلِيتْ لكْ بإقصىْ خَفُوقِيْ مَسآحآتْ
ومَلكتْ ” صَكْه ” وقلتْ مَرحبْ هَـلآ ,
[ بِاللِيْ مَلكْ “ كِليْ وحَرفِيْ والأبيَآتْ
*****************************
أحـب مـن [ الـرجـال ] اللـي صـبـور لـو زمـانه مــال
وأحـب من ~ يـفـزع ~ لـربـعـه نـهـار الهـم والغـمـي
وأحـب من الـرجـال اللـي ابـد ما يـمشـي و ] يخـتــال [
واحـب من قـال للشـايـب : " صبـاح الخـيـر يا عـمـي "
عبدالمحسن
ابوماجد
اتشرف بتواجدكم بمدونتي الخاصه
https://www.mza3et.com/morocco27289-3.html