السلام عليكم ورحمة الله

عودة من جديد ارغب فيها إكمال التقرير

زرت المغرب خلال الفترة هاذي اكثر من 5 مرات وفي كل مره لي قصه فيها او حادث تجعلني اتعلق فيها اكثر.

المنتدى يجعلني دائما اشتاق للمغرب و ان كنت قارئ اكثر من مشارك و لكن اكمال التقرير الذي ليس له نهاية جعلني اعود للمشاركة و ان شاء الله اليوم اكتب جزاين كاملين

بداية وقت 4

بعد زيارتي الاخيرة انا و صديقي قررت الزيارة مرة اخرى في شهر ابريل و مالقيت مرافق غير لوحدي و انا دائما افضل كازا الى ان وجدت ضالتي في مراكش و احداث مراكش في الجزء الخامس اما هذا الجزء راح يكون لكازا فقط.

الرحلة طبعا جدة كازا جدة
المدة : 5 ايام

وصلت كازا المساء و على كنزي تاور دايركت تشيك ان و تريحه و من ثم الخروج الى مقهى فينيزيا ايس لاستطلاع الاوضاع و صراحة المقهى خطير جدا و التوقيت اللي كنت فيه خطير تشوف الناس خارجه من داوماتها وراجعة لبيوتها واللي يستضيف احد على فنجان قهوة كان الوضع جميل جداً.
من ثم الذهاب الى مطعم لويجي و العشاء هناك صراحة اللي يحب الاكل الايطالي انصحه يزور لويجي في شارع انفا على راس الشارع مطعم جميل جدا و من ثم الى البلاك هاوس و السهر فيه الى نهاية السهرة و ما بغيت اطلع اصلا.

عودة للفندق نمت و صحيت بعد ماصحيت الساعة 10 تقريبا رحت على انفا بلاص مول الجديد و جلسة في باول كافيه و انا الى الان مابلغت الحبيب اني في كازا و صراع داخلي شديد اني اكلمه او ما اكلمه و فتحت الواتساب و ارسلتله ترى انا في انفا بلاص مول و صورة للمقهى و اتصال هاتفي من الحبيب و اتفقنا نتلاقى الساعة 3 في تاهيتي اللي بعين ذياب انصح المزاعيط بالذهاب هناك اكلهم جيد و مستوى الخدمه ممتاز و الجلسة جدا جميلة و اصبحت احد رواد المكان المهم جاء الحبيب و هالمرة كان متغير غير عن كل مرة حسيت انها متضايقه او مالها رغبة في الجلوس و كانت جلسة فيها من الحديث الطويل ما فيها و قالت انها بتروح لدارهم و اتواعدنا نتقابل في مطعم رامي عياش.
رجعت الفندق و نمت و صحيت على الساعة 9 الليل و اتجهزت و تقابلنا في رامي عياش تعشينا و حضرنا السهرة حقتهم و نفس الوضع اللي كان في المساء متضايقة و لا لها نفس تكمل السهرة بس انا ماعندي مشكلة عايش جوي.
خلصنا رامي عياش و اقلها نتقابل في البنجاب او اي مكان ثاني رفضت رفض قاطع المهم كلمت الفندق و رسلولي السيارة و خليتها ورحت البلاك هاوس اكمل السهرة و كان في واحد خطير مدد السهرة نص ساعة زيادة و كملنا معاه النص ساعة و رجعت الفندق و اطخها نومه للعصر.

صحيت على اتصال من الحبيبه و قالت انزل انا قريبة من الاوتيل مرت علي و اخذتني و انا ميت من الجوع و مشينا لستاربكس و قهوة و كرواسان و الذي منه و هناك اخبرتي برغبتها في الانفصال عشان في شخص متقدم لها و ان اهلها موافقين و هي موافقة على هذا الشخص طبعا القرار نزل علي كالصاعقة و كنت في حيرة من الامر هل هي تلعب فيني تبغاني اتقدم لها او الكلام صحيح قلتلها ممكن توصليني الفندق على الاقل و فعلا وصلتني الفندق و اول ماطلعت الغرفة اتصلت عليها و قلتلها دام الفراق اللي تبيه الله معك طبعا الله يهديها خربت عليا السفرة بهذا الطلب الغريب و تالمت صراحة و لكن هيا كدا الدنيا و كملت يومي ونزلت للوبي الفندق و صراحة كان نفسي اني اتعشى اكل مغربي بس يكون واعر سالت الموظفة اللي تشتغل في لوبي الفندق و اقترحت عليا اني اروح لمطعم المونيا موقع المطعم في للا ياقوته قريب من ولاية الدار البيضاء وعزمتها للعشاء و قالت بشرط تجيب صديقتها و وافقنا و اتجهنا للمطعم الساعه 9 برفقة صديقتها بسيارتهم و بعد العشاء كلمت الفندق و ارسلولي سيارة و العودة للفندق و من ثم السهر في البلاك هاوس و العودة للفندق و النوم.

صحيت على اتصال من احد الاصدقاء المغاربة يسال عن الاحوال و كيف اوضاعي و ابلغت اني في المغرب و قررنا نتقابل و صراحة هذا الرجل من انبل ما شفت و علاقتنا مستمرة الى الان و الى ان يشاء الله
دعاني لتناول العشاء مع عائلته في نفس اليوم و اتعرفت صراحة على اهله كاملين و كعادة اهل المغرب في الكرم و الاحتفاء بالضيف يخلوك تشعر بالخجل شعب مضياف و كريم و خليك من العينات اللي تقابلها في الشارع و اصابع اليد ماهي وحدة و في اثناء جلستي في بيتهم ابو صديقي سالني عن المغرب و كم مره اجي في العام و كيف الوضع و طبعا شرحتله اسباب زياراتي المتكررة.
صديقي يعمل في بنك الشعبي و والده مقاول يبني عماير و فلل و كانت فرصة لي اني اساله عن التملك في المغرب و ان لي رغبة في شراء دار فيها حتى لو كان دار صغير عشان لمن اجي في المرات القادمة
و صراحة ماقصر قلي ان في عمارة قديمة هو اشتراها في منطقة المعاريف قريبا من 2 مارس و ان راح يجدد العمارة بالكامل و ان هو صمم شقق صغيرة لها مدخل مستقل عن العمارة و اتفقنا ان الصباح نروح نشوف الشقه و استاذنت منهم للمغادرة كانت الساعة تقريبا 11 الليل.
و خرجت من عندهم على مانهاتن وكملت السهرة الى نهايتها و عودة للفندق نومة.

صحيت الساعة 9 الصباح على اتصال من المقاول يبلغني فيها انه نص ساعة و راح يتجه للمبنى و لازم نتقابل عشان اشوف الاستوديو و فعلا طلب من الفندق سيارة و خليته يكلمهم و شرحلهم العنوان و اول سؤال سالته للسائق المنطقة اللي نمشي ليها زوينة قلي اه بززاف و فعلا مشيت و شفت موقع المبنى وشرحلي كيف راح يكون التصميم و مدخل العمارة و مدخل الشقق المنفصل عن العمارة واتوكلت على الله و اشتريت الشقة على نظام دفعات لان المبلغ ماكان معاي كامل و خليت سواق الفندق ياخذ فيني لفة حول المنطقة و صراحة الحي راقي جداً به جميع الاحتياجات كارفور قريب جدا و فينيزيا ايس اقرب و بيتزاهت و كنتاكي كذلك قريبين خليت السواق يوصلني لتاهيتي في عين ذياب و جلسة الى تقريبا الساعة 4 عصرا و عودة للفندق للراحة و حمام مغربي في الفندق و جلسة الى موعد السهرة و الذهاب الى البلاك هاوس و العودة للفندق و النعاس الى الظهر صحيت ولميت اغراضي و الى المطار للعودة الى جدة.

في هذه الرحلة اكتشفت اماكن جديدة اتردد لها و جديدة و دفعت دفعة اولى للشقة و انتهت علاقتي مع الطير الراقي و اكتشفت اني في كازا ما اقدر اسهر غير في البلاك هاوس يمكن افضل مكان بالنسبة لي و في ناس تشوفه دون المستوى و لكن انا اشوفه افضل مكان في كازا

الجزء الخامس قريبا و فيه تجارب جديده عرفتني للمغرب اكثر و خلتني اكتشف المغرب اكثر

شكرا لوقتكم