وعليكم السلام والرحمه
بالنسبه لي راح اشارك بما يخص مدينتي طنجه ماراح تلقى شقه بالف درهم اجار شهري في مكان كويس او حتى مكان معقول هالمبلغ راح تلقاه فقط بالاحياء الشعبيه اللي يصعب على اجنبي يسكنها وحتى لو تدور شقه ومفروشه وبالفين درهم ماراح تلاقي ياعزيزي الا برضو باماكن شعبيه او بالعماير البعيده في منطقه بوخالف وماحولها القريبه من الحي الجامعي اللي اغلب سكانها طلاب
اما وسط المدينه غير موجود هالكلام اذا بتدور ممكن تحصل شقه بثلاث الاف ومافوق مفروشه شهريا
واذا بدون فرش حط ببالك الفين ومافوق
وحط باعتبارك ان مالك الشقه مجرد مايسمع كلامك الخليجي او كلام الاجنبي اي كانت لغته راح يتفاوض معك باليوم او الاسبوع
لان اغلب ملاكي الشقق تفضل الاجار للعوايل لقله المشاكل
انا شخصيا اعرف ناس بطنجه من الخليج مستاجرين شقق لكن سنويا وحتى الدفع يكون سنوي لانهم من رواد طنجه واذا اي احد من ربعهم جاي او اهلهم يسكنوها يعني ماجر شقه له وبالوقت نفسه مستفيد منها اذا احد معارفه جاي لها ياجرها له