يامعذب الأحباب ...



يامعذب الاحباب ياغايب متى وقت الوصول
.انا على نار انتظر رجعتك لوطال
الغياب

ياهمي اللي لو يزول العمر كله
مايزول
ياقرب من الي في يدي وابعد علي من السحاب

ياصيف عمري ياربيع العمر يا أغلى
الفصول
يافرحتي ياسلوت الايام يانواع
العذاب

يابحر جده ياشفا الطايف ياحايل ويش اقول
ياتراث مكه ياحضارة نجد ياآبها
والضباب

يانغمت الاوتار ياعزف الموسيقى
والطبول
ياضحكة الاحباب مابين التغلي
والعتاب

ياعنفوان الخيل ياوقفات ماضين
الفعول
يانشوة الكسبان ياعزة عزيزين
الجناب

يابسمة الاطفال يانظرات في الطرف الخجول
ياهيبة السلطان ياقدر اللحى حق
الرقاب

ياحكمة العاقل ياعطف الام يامعنى
القبول
يالذة الماء في ضماء الضميان ياعذب الشراب

يامعجم الاخلاق يافهرس تعاليم
الأصول
ياروعة الابداع يابنك المبادي
والاداب

فديت عمرك يابعد عمري جعل عمرك
يطول
احسب حساب الي حسب لحساب حسبتنا حساب

بجاه رب ام القرى والقدس وبجاه
الرسول
انا مصاب وواجبك يلزمك بأسعاف
المصاب

صبرت حول وحال حول الحول واستقبلت حول
وانا انتظرك تذوب في قلبي وقلبي فيك ذاب

وجيتك وانا كلي غلا جيتك وانا كلي
ميول
النفس لأرضاك حضرت والقلب لارضاك استجاب

وعجزت يا أصعب طلوع اسالك يا أصعب نزول
تصمت ولا أحكي لك سؤال الصمت ولاتحكي جواب

عزلتني عن عالمن ماكنت انا عنه
معزول
اطرد وراك العمر كله كني اطردلي
سراب

سمعت قولي وانت قلي ودي اسمع ويش تقول
انا طرحت الك السوال ومنتظر رد
الجواب


عبدالله السميري.

__________________
لاتسمع كل ما يقال ولا تقول كل ما تسمع.