ملاحظات على الفنادق اللي سكنتها

اقمت بفندق فال دنفا بكازا على كورنيش عين ذياب الفندق جميل وحوله مطاعم والمول مو بعيد عنه

اخذته يومين ١٦٥٠ درهم

مراكش سكنت فندق تمبو فندق مو كبير بس رايق جداً يبعد عن جليز حول كيلو ونص وعن محطة القطار ١٠ دقائق على الاقدام وعن الستيام مسافه بسيطه
امانتهم عالية وما فيه طلب اكراميات وخدومين اذا سالتهم عن مكان وجنبه حمام مغربي ومطاعم وشيشة

اخذته ٤٥٠ درهم اول يوم وبعدها سالتهم اجدد من البوكنق قالت لي لا اعطيك سعر مزيان وعطتني ٤١٦ درهم

اغادير سكنت فندق قصر الورد ٥٥٠ درهم الفندق حلو وفيه مطاعم وجلسات ويقع على الكورنيش ومافيه طلب اكراميات وادخل معاي اكياس محد سالني عنها ابد (لان سمعة انك ما تقدر تدخل اكل او غيره)
وبرضه محد طلب من اكراميات

وعند التجديد سالتهم اجدد عن طريق البوكنق وقالت لا اعطيك سعر افضل وعطتني ٥٢٠ درهم

بالرجعة لمراكش سكنت ايبيس حصلته بالبوكنق ٤٠٠ درهم وعندهم ٦٥٠ وحجزت من البوكنق وانا واقف عندها لان رفضت تعطيني سعر البوكنق

طبعاً ايبيس معروف انه مو فندق يعتبر نزل للمرور فقط

طبعاً اللي يخدمني اعطيه حاجه بسيطه ع حسب الخدمة لكن محد طلب مني ابد .

بالفنادق احب اخذ ليلة وامدد كل يوم لاني ممكن اغير الفندق او المدينة باي يوم عشان كذا ما اخذت عدة ليالي مره وحده

وعند الخروج اسلم المفتاح ويقولون توكل على الله بدون ما يطلعون الغرفة ( وهذي برضة عشان اللي يقولون اذا ما تعطي اكراميات يدورون حاجه عند الخروج عشان يدفعونك)