السلام عليكم ورحمة الله وبركاته
اخيراً حان وقت الرحيل من المغرب الجميل
صحيت الصباح وسلمت الفندق باغادير وطلعت محطة الباص وقلت المره هذي بجرب السبراتور لاني سبق جربت الستيام وكان حلو ومريح والطريق حلو والجو كان غيم
وصلت مراكش وحجزت بفندق ابيس عن طريق بوكنق وكان بجانب محطة القطار
طلعت واخذت تذكره للقطار لكازا الساعة ٨:٤٥ الصباح درجة اولى ١٤٨ درهم
ورحت تعشيت وسهرت بمطعم ازار
ورجعت نمت وصحيت الساعة ٨ الصباح وطلعت القطار وتوكلت على الله لكازا الطريق جميل والخضار بكل مكان
https://i.imgur.com/T63V5pw.jpg
https://i.imgur.com/KNhVxzK.jpg
وصلت كازا اخذت تكسي وبحثت عن مطعم حصلت مطعم اسمه الزهور قريب من الشيراتون
المطعم حلو والاكل عندهم احلى والاسعار مقبولة جداً
https://i.imgur.com/eMm400y.jpg
https://i.imgur.com/An9wNpg.jpg
بعدها سالت البنت بالمطعم عن مقهى وقالت قريب ع اليمين رحت ما حصلته ورجعت الناحية الثانية وعند مروري بالمطعم طلعت البنت تسأل ليش رجعت قلت ما حصلت المطعم ووصفت لي واحد ثاني دخلت مع شارع وحصلت مقهى خلف المقهى اسمه ابولو مقهى تحس انك بالسعودية مشغلين اغاني خليجية
وبعد ما طلعت اخذت تكسي ابيض للمطار بـ ٣٠٠ درهم
https://i.imgur.com/iiDvORt.jpg
https://i.imgur.com/gv1o6Bl.jpg
مع ان فيه امكانيه اطلع بالقطار بـ ٤٠ درهم
رحت المطار جاني واحد قال عطن الجواز وطلع من جيبه ورقه وكرت الدخول
قلت تسلم
قال معرفة الرجال غنيمه تعال اعبيلك الكرت وادخلك من هنا
قلت عندنا مثل يقول ( الموت مع الجماعة رحمة ) < رغم تحفظي ع هالمثل
دخلت وقصت بطاقة الصعود وشحنت شنطتي وعبيت كرت الدخول وختمت وجلست انتظر الطياره
ومثل ما دخلت محد طلب مني حاجه الا موظف سالني كم معاك مبالغ قلت ما معي مغربي قال تفضل
وركبت الطيارة وكنت بكرسي بالنص وكان يميني مغربي ويساري سعودي
قال المغربي اذا ممكن تبدل كرسيك مع صديقي عشان يكون عندي قلت انتظر لين نفك الحزام
وبعد مافكينا الحزام قلت وين خويك قال لا خلاص قلت لا ابي ابدل
ورحت ابدل مع خويه لقيت الكرسي اللي جنبه فيه وحده
كانت رايحه تعمل بالسعودية وقالت انا من الرباط وكلمتني عن الرباط وجمالها وعن الاماكن الصالحة للسكن
وسالتني عن السعودية وكيف العمل لانها متخوفه وطمنتها وعلمتها انظمة العمل وحقوقها بنظام العمل والعمال السعودي
واخيراً
هبطنا بديارنا ودعتها وتمنيت لها التوفيق
https://i.imgur.com/oYHdsr3.jpg