جمعت الشوق
جمعت الشوق وأهديته عيونك
وكل الحب في دربك نثرته
وعطرت المشاعر من جنونك
وزفيت العمر لك لو خسرته
زماني ما تخيلته بدونك
وليلي بدون همسك ما سهرته
أحبك مثل ما حظك يخونك
ومثل ما جابك الحظ وشكرته
ملكت القلب لا تكثر ضنونك
ولو قلبي يبي غيرك نهرته
يمر البال لناس يشبهونك
كثر ما مر غيرك ما ذكرته
رياح الشوق تستأذن سكونك
بها من الوجد فوق اللي انتظرته
يكفيك العمر فدوة عيونك
وكل الحب في دربك نثرته
محمد بن عبدالعزيز بن محمد .
__________________
لاتسمع كل ما يقال ولا تقول كل ما تسمع.