اسعد الله مسائكم بكل خير ..
اليوم طبعاً زرنا اوريكا وسيتي فاطمه والاجواء كانت جداً جميله وزحمه مرينا محطه تيتال الساعه ١١ ونص ع طريق اوريكا فيها كوفي اخذنا تصبيره فطور خفافي ساندوشت جبن و٢ قهوه مغربي حاسبنا ب ٦٢ درهم ومشينا ع اوريكا الطريق لها ضيق شارع واحد رايح جاي ولازم تهدي فيه وصلنا اوريكا لقينا جامع في راس الجبل صلينا فيه الجمعه الحمد الله وجلسنا في مطعم نسيت اسمه ع نفس العين الي تمشي طلبنا كسكس ونص دجاج مشوي واثنين عصير برتقال ومقبلات وبطاطس واتاي صراحه برتقال المغرب ماعمري شربت مثله والفراوله برضو طعمها جميل حاسبنا ب ٤٥٠ درهم ومشينا ع الساعه ٥ عصر ومرينا ع ساحة الفناء تمشينا فيها وشرينا كذا غرض وطلعنا لقينا خليجي عند الاشاره في قلييز سالته قلت وين افضل مساج وممتاز وسعره كويس قالي في قلييز جنب كنتاكي رحنا للمكان اسمه قاردينيا المكان نظيف واغراضهم جديده يفتحها من الكيس سوينا حمام مغربي ساعه ومساج ساعه كم السعر قالت ٧٠٠ درهم ونزلت لنا واخذنها ب ٥٥٠ درهم لشخص الواحد خويي قيمه ٧/١٠ انا قيمته ٨/١٠
شريحة اينوي خارج المدن النت فيه ضعيف واقل من الضعيف اتصالات المغرب مع خويي النت فيه جيد