سكنت في الروز قاردن لمدة ٦ ايام وامس مسوي تشك اوت منهم

كنت مرتب حجزي مع واحد اسمه عبدوه في الواتس وماكد منه ان الفيلا تكون جديدة ونظيفه

بعد الاتفاق حولتله مبلغ ليلتين

ووصلنا بالسلامه مراكش برا من كازا

دخلنا كملنا اجراء تسجيل الدخول طلب عبدالرحيم موظف في ريسبشن الروز جواز سفري ورفضت أسلمهم جواز السفر وتغير وجهه وقال هذا نظامنا هنا بالروز

بعد شد وجذب منهم واحد من الشباب تبرع وأعطاهم جوازه فقط


قالو انتظرو يجهزو الفيلا

الكلام هذا الساعه ٣
بعدها بساعه وأكثر خلصو تنظيف الشقة ودخلنا الساعه ٤ وعليها
سوينا تشيك ان في الروز طبعا الفيلا كانت في اخر المجمع

اول مادخلنا مع الباب كانت الصدمه

والله ما ابالغ أشبها بستراحة في الرياض وليس فيلا

بالعكس الاستراحات عندنا انظف بكثير واشرح

رضينا بالأمر الواقع لأننا كنا تعبانين قلنا نريح هاليوم وندور ع راحتنا بكره

دخلت غرفتي حصلت الحمام يسرب مويه مليان مويه

وريحة الغرفه مجاري !!!! أقسم بالله ما ابالغ

مفاريش السرير قذرة هذي وهما توهم مغيرينها

السرير لو تنام ع الارض اصرف لك

طبعا المطبخ والصاله كانت مليااانه نمل وناموس وذبان

ما قدرت اصبر ع الوضع رحتلهم في الريسبشن

وقابلتني الاخت ايمان وكانت عارفه اني منزعج من الوضع ووعدتنا بكره تغير الفيلا لمكان افضل

وهذا ماحدث فعلا غيرت الفيلا لمكان انظف وفيلا اكبر من الاولى



لكن تبقى مشكلة النظافه داخل الفيلا مشكله ذبان ونامس وكل انواع الحشرات تشوفها عندك بالفيلا


وبعدين لا تصدقهم يعطونك فلل وسخه وحشرات وأثاث تعبان يقولون هذي فيلا جديدة

للعلم مافي لا روم سيرفس ولا خدامه ولا خرابيط من لللي يقولون عليه

اذا تبغى تنظف الفيلا شوي وتبوس رجليهم بعد يومين يجو ينظفو الشقه وتنظيف اي كلام بعد !!!



حتى التليفون مو موجود في الفيلا علشان تتصل عليهم
اذا احتجتهم او في حالة الطوارئ لا سمح الله

وهذا اعتبره خطاء ليس له اي مبرر

وترى في كل مره تحتاج منهم شغله تمشي للريسبشن


تعاملهم تعامل لصوص مع السكان

اكثر من موظف يعطيك سعر السكن مختلف عن الموظف الاخر !!

ممكن تلقى عليك التهم انك استخدمت السفتي بوكس ولا طلبت بطاقة جديده للفيلا !! حتى لو انك لم تفعل ؟؟

بس علشان تدفع


بالنسبة لي اسوء مكان سكنت فيه بالمغرب كان في الروز قاردن



والفائز بجائزة الأوسكار لأسوء موظف في الريسبشن هو عبدالرحيم

استغلالي واضح وهو يبدولي اللي حجزت عن طريقة بالواتس

يحاول يخفي اسمه تحت اسم عبده

تعامله تعامل سئ مع كل الزبائن وهذا اللي لاحضته

لا تثق دايما بالسعر اللي يقوله لانه كذاب تعال في اليل عند اي موظف اخر واسمع الاسعار راح تنصدم