المشاركة الأصلية كتبت بواسطة عاااشق الاماااكن

بعد السلام
أولا الحمد لله على السلامة. الموضوع هذا يخص المغربيه وصار لي مواقف عده مثل ما صار عليك طبعا بوضح شي بخصوص سعر تذكره من جده لكازا ٢٥٥٠ريال واذا اضفت رحله داخليه عن طريق موقع السعوديه مثلا جده كازا مراكش أو اكادير او اي مدينه بالمغرب تحتسب التذكره مخفضه ويكون سعرها ٢٨٥٠ريال يعني الفرق بيكون ٣٠٠ريال لانك أضفت رحله داخليه مغربيه مرتبطه بالسعوديه حيث أنه فيه شراكه بينهم واتفاقيات طبعا ي صاحبي الفرق ٣٠٠ريال وبما إنك طلعت على رحله الذهاب والعوده تكنسلت رحله مراكش كازا وقاموا بإيصالك لمطار كازا يعتبر الفرق من ٣٠٠ريال =١٥٠ ريال تقريبا رحلتك من مراكش لكازا ولو رحت لفرعهم الرئسي في جده وقدمت شكوى بتجلس تتطلع وتنزل على الفاضي وكلها لو تحسبها ١٥٠ريال صارت في بنزين وقروشه المشاوير ومراجعه مكتبهم.... الله يعوض عليك صارت لي قبل سنه رحله من الرياض لكازا لاكادير ووصلت اكادير وتاخرت الشنطه بكازا واستلمتها اليوم الثاني وبعدها رحله العوده تكنسلت من أكادير لكازا الساعه ٥فجرا وكان عندي رحله من كازا لجده ٩.٤٥ صباحا طبعا تكنسل الحجز بالكامل واعطوني خبر عن طريق الايميل ورساله نصيه قبلها بيومين وتواصلت بالتلفون مع مكتب السعوديه الي بكازا واخيرا شافوا لي تعديل للحجز بدل ماكانت ٥فجر من أكادير لكازا صارت ٨ صباحا طبعا ماراح الللحق على رحله ٩.٤٥ من كازا لجده وتعدلت لرحله ٥.٣٠المغرب وبعد مارجعت قدمت شكوى ولكن لا فايده والسبب مو من السعوديه المغربيه هي المسؤوله .... طبعا رجعتي لاستلام الشنطه بمطار اكادير يقولوا فيه تعويض ٢٥٠درهم اجره طاكسي قلت لهم انا مستاجر سيارة قالوا لازم يكون عندك ورقه فاتورة من اي صاحب طاكسي طبعا بيعطيك ورقه فاتورة من ٢٠درهم إلى ٥٠درهم قلت أجل اللة يعوض اهم شي وصلت واستلمت شنطتي الشي الثاني رحله العوده وتغير موعد رحله ٥الفجر إلى ٨صباحا قالوا إحنا غيرنا لك رحلتك بنفس اليوم ولا صار لك شي وانا لمن وصلت كازا جلست من ٩ صباحا إلى ٥العصر طبعا فيه وقت كثير ماراح تجلس بالمطار لازمك تروح كازا وتاخذ جوله وترجع للمطار في العصر....خلاصه الرد وبما إنك أول شخص يتكلم في الموضوع حبيت اعطيكم بعض ما صار لي ومعذره على الاطاله والشغله كلها ٣٠٠ريال أعرف فيه ناس يدقق في بعض المبالغ ولكن لا يتعكر جو الواحد اذا سافر ورجع وتغيرت عنده مواعيد أو تكنسلت رحله.... والله يعوض على الجميع.
تقبلوا عذري على الاطاله