بعد ماتغديت خفافي وعفشي سابقا كان معي قلت النية السعيدية شديت الطريق الا قدامي لوحة مكتوب عليها بركان ومثلكم عارف اكثر النكت المغربية عن بركان جاني فضول قلت خلني امرها خاصة انها ماتبعد عن السعيدية كثير الا ٢٥ ميلو وصلت لبركان المدينة اللي تعتبر احد مدن الريف بالمغرب وماتبعد عن الحدود الجزائرية الا ١٥ كيلو وموقعها بين وجدة والناظور خذت لي فره فيها على السريع عن قولة اني جيت بركان قريب منها قرية صغيرة احفير طلعت منها ووجهت للسعيدية طبعا شوي وانا بالطريق واناظر يميني الا اعلام الجزائر ياولد عدل بدل قلت شكله ماهوب رادني الا بو تفليقة واوقف عرفت ان هالمكان هو السلك الحدودي بين المغرب والجزائر وقفت وخذت لي كم صورة لفت انتباهي عسكري مغربي جالس في مكان زي الدشمة العسكرية كسر خاطري في المقابل من جهة الجزائر اشوف الناس توقف وتصايح وانا مدري وش السالفة قلت الله يستر لاتقبع بينهم خلني احرك رحت للكورنيش حق السعيدية صراحة منظر البحر رايق مالومهم يوم يسمونها الجوهرة الزرقاء السعيدية فيها فنادق على البحر بس يوم سالت كذا فندق مقفلين مايفتحون الا شهر من شهر ٤ حتى الصيف واوقف عند بقالة واخذ منه كم غرض واساله عن مكان حلو للسكن قالي ابد قدامك اقامة توهم فاتحينها مالها الا ٦ شهور قلت عز الطلب واروح للاقامة صراحة قمة في الروعة وباين فعلا من الاثاث وبوية الجدران انها جديدة خذتها ب ٧٥٠ عبارة عن شقة غرفة نوم وصالة كبيرة ومطبخ وحمام الله يكرمكم طبعا طلبت اخر دور وتكون تطل على البحر ياسلام صوت الامواج وسكينة وهدوء طبعا السعر داخل فيه الفطور لا وفيه مطعم تحت منعزل عن الاقامة يوصلون لك الطلبات للشقة حطيت اغراضي قلت بطلق رجولي اتمشى شوي بالمارينا اجواء ترد الروح وهواء عليل مترت شوي المارينا قلت برجع للشقة واتعشى عشان انخمد واطلب منهم مشكل مشوي وكوكا اكلهم حلو بس نسيت بكم تعشيت ونمت الصبح افطرت واخذ عفشي والنية قرية كاب دو لو تبعد عن السعيدية ١٠ كيلو قريبة من الجزر الاسبانية المحتلة قلت اليوم بتغدى سمك وتغديت ولله الحمد والوجهة الناظور