خاويت لي ثعلب وخاويت لي ذيب
واخذت من هذا وهذا فوايد
الثاني أرقاني بروس المراقيب
والأول أوقعني بوسط المصايد
سايرتهم من شان فهم الأساليب
حتى كسبت من التجارب شهايد حتى عرفت اطباع بعض الأصاحيب
وعرفت ويش اختار وقت الشدايد
ما كل من خاواك يرهي لك الطيب
ولا شك بالأجواد ناقص وزايد
رجل على الشدات ماعنه تجنيب
ورجلٍ على الشدات خله محايد
ولا كل هقواتك مع الناس بتصيب
هذا على ما قيل علم الوكايد
كم واحدٍ تهقى به الطيب ويخيب
تقول ما عنده سلوم وعوايد
وكم واحدٍ تطوي به الجرح ويطيب
في ساعة الشده وسيع البنايد