مثل ماشفتم كان بودي اكمل التقرير بحماس مثل مابديته لكن المزاج تكدر والسبب اللي رحت لهم مراكش ثم مراكش نفسها وضعها ماش لكن خلوني أوضح الأمور بخصوص السكن وهي اني سكنت بفندق مزقان الجديده ثم فورسيزن مراكش ثم فورسيزن كازا وحاليا بفندق سوفيتيل المضيق قريب من طنجه والاسعار موجوده في النت اللي يبي يشوفها يدخل ويشوف اما بالنسبه والاسعار مافيها مجال للتلاعب والنصب اما بداية تغيير الوجهه لمراكش كانت رساله واتساب من خوي العمر وصديقي الغالي اللي يدرس في أمريكا يقول لي فيها انه بمراكش مع مجموعه من زملاه واخذين فله والأمور طيبه فقلت له انا بالجديده ومتكي يومين وبعدها لكازا والرجال لزم اجيهم مراكش وبعد اخذ ورد حجزت بفندق فورسيزن مراكش وتوجهت لها ثاني يوك العصر واللي هو يوم الاحد 14 مايو وبعد ما وصلت الفندق جهزت نفسي بسرعة على أساس الجماعه منتظريني عندهم على كبسه وارسلوا لي الموقع واتساب وكانت الفله في طريق فاس المهم وصلت واول ما دخلت فتحت لي الشغاله وهنا كان الصدام الاول بيننا فبدل ما ترحب قالت من اللي معك وكان ردي وانت وش دخلك ومن تكونيين حتى تسالي وقلت كلامي بنره حاده شوي وهنا تدخل خويي بعد ماقمط وجهها هاا العجيز المروحه ودخلت للصاله وهنا الموقف الثاني لانه كان فيه الشباب مجموعين مع ضيفهم وتصوير سنابات وانا وقفت ولاكملت طريقي وقلت تصور لا او امشي ووقتها تغيرت الأحوال وانعفست الأمور وبعد ماتشاور بينهم وقفو تصوير وجا خويي يقول وش فيك صاير كذا فقلت له انت مهبول!! لو نزل لك مقطع وانت بالمغرب ترقص ومعك هذول وش بيصير وضعك ودار نقاش طويل بيننا حول اللايفات وسنابات البنات وجات سيره عضو المنتدى حنفي الابهه وفجاه دخلت العجوز ومعها واحد وجلسو يتكلمو مع الشباب وضيوفهم ويشيشو ويشربو ولما سالت وش ذول فكان الرد انهم الخدم والمسولين عن السكن واللي جايبين الضيوف!! والعجوز كثر كلامها واسالتها وانا شبيت فيها وفيهم وبعدها فهمت انهم مسلمين لها بطاقات الصراف والجوازات وانها مسؤله عن كل شي وهي قلبها عليهم وعلى المكان حتى لا تصير مشاكل وقلت لهم انتم مخابيل وشوي رجعو يبغو يصورو وعلى قول وحده فيهم مااقدر اتاخر على معجبيني هههههههه المهم انا وقتها قمت وتركت لهم السهره وحتى العشا مااكلت وعيب وماعيب فقلت لهم كبستكم ماابيها وسهرتكم والجلسه معكم ماتسو هلله وانا الكسبان لابارك الله فيكم ولافي معرفتكم واكيد صرت انا النفسيه لاكن قلت لخويي بكره لما تصحى تعال لي الفندق ابيك ضروري اما الليله عساها تمر عليك بخير وخرجت لفندقي وبالطريق مريت كاش ودبليو احجز

__________________