المشاركة الأصلية كتبت بواسطة hatemckck
كنت بمطار جدة انتظر الاقلاع
واناظر بجوالي
الا الصوت يشيه باباي اللي بافلام كارتون
وارفع راسي الا واحد خمسيني اشهب يسد النفس
واضح من وجهه انه متزوج اربع
وساحب عليهم وراعي دشرة
المهم عرفت انه يبي يتلزق
قال السلام عليكم
قلت هلا
قال نسولف قلت تفضل
اتضح انه رايح المغرب
قام يحكي بطولاته
وقمت ازبط التصريفة والحظر والبلوك والدليت
ركبنا الطيارة وقام يترجى خلق الله
حتى يجي جنبي
جلس جنبي
وعشان اقفل عليه الطريق
قلت تراني سهران لي شهر وابي انام
وصلنا المغرب
قال عطني 300 درهم عشان اجيب لك الشناط بسرعه
واعطني 200 درهم عشان اجيب لك شريحة
قلت هيا احلف وش العروض المغرية
تصدق كنت اخذ الشريحة بااربعه الاف
واطلع الشناط بنص مليون
المهم ضحك وقمط العاقية واعطاني نظرة مااعجبتني
اخذت شناطي ومشيت وهو يلاحق وراي
واخذت شريحة
وقتها ماكنت اعرف موضوع حسابي في وفاء كاش
ركبنا سيارة وهو لابد على قلبي مثل الجبل
السيارة هي اللي راح اخذها ايجار
بس لازم نطلع كازا ننهي بعض الاوراق
واللي يسوق السيارة اعرفه زين
طبعا طول الطريق يحكي بطولاته
بنص الطريق وقفنا عشان نصرف
قال عطني الفلوس انا اصرف لك
قلت لو كنت معاق او اعمى عطيتك
بس توكل
نزلنا وصرفنا وعندي بجوالي محول العملات
وادور اقرب واحد لفرق التحويل
طبعا يناظرني وانجلط
قبل نوصل كازا
وارسل للسايق رسالة الواتساب
قلت شفت الكلب اللي راكب ورى
ابغاك ترميه في اقرب زباله هو وعفشه
قال ابشر
وفعلا تم التخلص منه في مدخل كازا
هذا ابن بلدي وناوي علي بالشر من السعودية
وكبير بالسن وباين عليه خبرة بالدشرة والنصب
احب السفر لوحدي
لحدة مزاجي وتقلباته المتكرره
وثقتي بالناس تجي بصعوبة
وتنهار بسرعة عند ابسط موقف