الموضوع
:
تقرير سفرتنا إلى المغرب ...
عرض مشاركة واحدة
صدى المزاعيط
زعــــيـــم الــعــــرب
المشاركات: 557
تاريخ التسجيل: Aug 2010
الدولة: الكويت
2010-12-12, 12:13 PM
الجزء الثــالث
عـــدنا إلـــيكم مع تــكملة الـــتــــقرير (الجــزء الــثالث)....
وفي اليوم الثاني من الجلوس في كازا صحينا الساعة 1 ظهرا وذهبوا الطيور وقلنا نروح حق شاطئ (عين ذياب) وقلنا نتمشى فيه شوي وكان الجو اكثر من حلو ....
وجلسنا في قهوة من القهاوي الي في الكورنيش على البحر...
وقلنا هاا متى نروح للرباط ؟؟ تسائلنا بين بعض ..
(صدى) : شباب انا من رأي نروح بكرا يومين تكفي في كازا وراح نرجعلها إنشألله أيش رايكم ؟؟؟
(كايد) : والله كازا احسن ... وانتو وكيفكم ...
(ابوعوف) : يالربع الرباط نفس شنو ؟؟؟
(صدى) : هههههه شنو نفس شنو ؟ غبي انت مدينة عادية ...
(ابوعوف) : فيها سهرات او نفس كازا يعني ؟
(كايد) : لا لا هناك الوضع غير تماما ...
(صدى) : شباب والله يكون احسن لو اليوم نروح للرباط ...
(ابوعوف) : يالربع لا تقولون احسن ومش عارف ايش إذا حلوه خلونا نروح الحين لا نجلس في كازا ...
(كايد) : اوووووفف انتم ليش تستعجلون مو اتفقنا نجلس اسبوع ..؟؟
(صدى) : يا (كايد) أنا مثل حالتك ودي اجلس بس هذي المغرب كل مكان فيها حلو يعني مستويه معي لو تروحون تدقون خيمتكم بالبر (الصحراء) كيفكم الي تشوفونه ....
(ابوعوف) : هااا ايش رايكم ؟؟؟ نروووح ؟؟
(كايد) : اوكي الي تشوفونه بس من بكرا مو اليوم .... مظبوط....
وقلنا توكلنا على الله وبعد ماخلصنا من القهوة قلنا نمر على شاليهات مارينا ورحنا نطل على أكبر مجمع تجاري في كازا لكن للأسف للحين ماخلص ممكن على شهر 6 في 2011 ميلادي وأنا متأكد راح يكون مجمع أكثر من رائع ومساحته كبيرة جدا وبعدها قلنا نروح للشقة نجلس بس تغيب الشمس نروح للتوين سنتر وبعد ماغابت الشمس ذهبنا إلى التوين سنتر ....
وصرنا نفتر داخل المجمع وكأننا من الأمن لكن كان الحظ مو حلو وزعلنا وماتأخرنا رجعنا للشقة قال (ابوعوف)
(ابوعوف) : يالربع ليش مسافرين....؟ هذي المغرب ؟؟ حظ في حظ ؟؟
(كايد) : تعرفون ليش انتم زهقتم طفشتم لأنكم تفكرون في الرباط والله لو تنسون الرباط يكون احسن ...
(صدى) : يا (كايد) والله الرباط حلوه مو مشكلة إذا ماأنبسطنا في الرباط نرجع لكازا شنو يعني ؟؟؟ ماصار شيء ..
(ابوعوف) : انا قايلكم لو الحين بسوريا جالسين بالصالون كل واحد يظبط نفسه :Abu Ahmed (740): وبعد شوي نروح للوسام او الريم ونسهر وننقط وننطرب أحسن من سوق وبحر وقهوة ...
(صدى) : يا (أبوعوف) انت غبي وماتفهم وفيك عجله :Abu Ahmed (440): لو تكرمنا بسكوتك احسن ....
(كايد) : يا (أبوعوف) تبي تروح سوريا رووح محد ماسكك السفريات مفتوح والطيارات كثيير الله يوفقك يلا ياشباب انا بنام وخلونا نصحى بدري ونروح للرباط ..
(ابوعوف) : اكيد أنتم ماتعرفون للمغرب انتم ضايعين بس انا ماراح استعجل وراح أشوف الرباط شنو هذي ....تصبحون على خير ..
وبعد مرور اليوم الثاني وصحينا في اليوم الثالث بدري وظبطنا اغراضنا ... طلعنا من كازا متوجهين للرباط ...
وكان الجو ممطر جدا ومطر كثير ...
وشوفو الناس كيف تركض من المطر ...
وأخذنا سكن في حي أجدال مقابل معهد المعلمين المهندسين اخذناه بسعر 1200 درهم وكان حلو كثيير ومميز ... وارتحنا وقلنا للشغالة روحي للسوبر ماركت وجيبي غدا وشوفي شنو ناقص للشقة واشتريه علشان نتغدا وبعد الغداء لازم نروح للمقاهي ودخلنا شارع فال ولد عمير ...
وبالمووووت حصلنا بلاصة (موقف) ...
وبعد مانزلنا هجووووم إلى القهوة الصفرة :Abu Ahmed (181): لأن القهوة الصفرة كانت أكثر تجمع للطيور هي والي بجانبها القهوة الخضرة ... وسامحوني أني راح أقطع التقرير وأكمله بعدين في وقت ثاني أنتظروووووووووووووووووني وشكرا للمتابعين ....:Abu Ahmed (113):
__________________
صدى المزاعيط
مشاهدة ملفه الشخصي
إرسال رسالة خاصة إلى صدى المزاعيط
البحث عن كل مشاركات صدى المزاعيط