المشاركة الأصلية كتبت بواسطة hatemckck

تكرررت كلمة خالطوا اهل البلد اكثر من مرة

ماادري اسافر واجلس في الكفيهات واجلس
اوزع ابتسامات واي واحد يمر
اقول مساء الخير يالطيّب
يقوم يعطيني هذيك النظرة
اللي تقول تنقلع ولا اجي اترفس في بطنك

ولا الثاني اللي يمر من جنبي واقوم استعرض
بالتقويم اللي مركبه بفمي
يقوم يقول خلاص شفنا التقويم
وبعدين ايش المطلوب


لا لا لا انت فاهم السفر غلط بغلط

الاوروبيين اكثر ناس تسافر
ويضع ميزانية شهرية لسفره بالصيف

ويلف كل بلاد العالم
ومع ذلك يمر من جنبك مايكلمك
ولا تاخذ منه لا حق ولا باطل

وعشان يشرب قهوة ممكن يقابل وزير السياحة
عشان يتاكد ان المنيو اسعارة معقوله ومافيها غش

السفر لي انا مو للجيران
يعني انا اللي راح يسافر
مو افلاطون وارخميدس وطارق الحبيب

انا اللي مكروف طول السنه بالعمل
وبحفريات الشوارع
وبالحرارةً اللي تشوي الطير بالسماء

ومحتاج اغير جووو
اغير وجيييه
اغير حتى الاكل
والهواء اللي اتنفسه
والسيارة اللي اسوقها

محتاج اعمل فورمات لكل شي

هنا كل واحد يعدل مزاجه بكيفه
وكل واحد له طريقته في الفورمات

تعمل لي نسخه منك ياافلاطون لا

اسمح لي

اذا على كذا بروح مكتبة الملك فهد
واخذ لي ينسون ونظارة كبر وجهي
واتقمص احد الكتّاب النفسيين

واعيش في صومعتي الافتراضيه


قال خالط قال
مو كفاية مخالط البنقاليه بكل شارع