يا حادي القاف بانت وانتهى دورك
ما عاد فاد الصبر والوقت يدركني
اجيك من لهفتي ويردني، جورك
ما ودي اقول ويش اللي تملكني
لا يزعلك شيء لا هد الجفا سورك
بعدك وقل اهتمامك فيّ شككني
ايام عمري معك لو ترضي غرورك
على كُثر ما تبكيني تضحكني
كم لي وانا من بعد شاطيك وبحورك
غريق لو ان ذراع الشك ماسكني
احس مالي نصيب بصادق شعورك
من يوم شفتك وذا الاحساس مهلكني
ما ودي احرج مقامك واجرح حضورك
من شان هذا تركتك قبل تتركني

ماجد بن مهنا

__________________
لاتسمع كل ما يقال ولا تقول كل ما تسمع.