شكراً لردودكم ولو انه متأخر واليوم رابع يوم لي بالمغرب
صارلي موقف بتأجير السيارة والحقيقة هو موقفين بموقف :)
بعد ماوصلنا وفتحت حساب في وفاكاش مع تعب الرحلة وادور التدخين دواره صابتني انا وخويي فهاوه بعد ماخلصنا فتح الحساب والتحويل مشينا والجواز عند موظفة البنك وهي بعد تتحمل جزء انها مانبهتنا ونست وطبعا الجزء الاكبر علينا وعلي انا بالخصوص لانه اهم شيء للواحد جوازه
بعدها مشينا لمكاتب التأجير وتفاوض وصابتنا دوشه من واحد شكله سمسار المهم حصلنا مكتب اعجبنا سعره وقمنا نتفاهم معاه وقال امشوا شوفوا السيارة وعطانا من هالرخيص في المواقف بنسوي العقد الا الصدمة والطامة ياااااولد جوازي وينه ؟!!!
وارجع وادخل المطار بعد جهاد مع الامن واستلمني مسؤولهم قال ممنوع تدخل المطار وانت مو مسافر ومامعاك اي اثبات تروح تاخذ الجواز وترجع من عندي يبي فلوس عاد خلاص همي الجواز اتكلم معهم وانا امشي وابدخل بالغصب خلاص قفلت هههههه مالكم بالطويلة اعلمكم بعدين بسالفة الجواز لان صار فصل ثاني
نرجع للايجار بعد ماخلصنا ولقيت جوازي وارتحت لكن انعميت خلاص ومسك فيني صداع ابخلص وامشي الا صاحب الايجار قال اعطوني تأمين
تأمين ايش عطيناك فلوس الايجار كاملة !!
لازم تأمين وكل بلاد العالم ومن هالفلسفة
قلت ماعندي تامين فلوسك عندك تبي تكنسل كنسلنا انا تعبان وابمشي
قال خلي جوازك عندنا كل السعوديين كذا قلت معصي ومهو كل السعوديين جاب شنطة فيها جوازات سعوديه قال شوف قلت مجانين انا ماني معطيك
قال اعطيني الفيزا اسوي حجز ع المبلغ قلت ماعندي فيزا اصلا :)
قال اعطيني خمس الاف سعودي !!! المهم قلت له كنسل العقد خلاص قال ثلاث الاف الفين ريال ... الخ
بالنهاية عطيته الف درهم واحس اني اخطيت بس كنت بوضع لا احسد عليه تعب الرحلة موقف فقدان الجواز وهذي كل السالفة