المشاركة الأصلية كتبت بواسطة Best

بالنسبة لي ارتحت لمخيطو بس عيبه انه كبير و بمرور الوقت يستمر في التمدد بالحجم و اذا ماخذ طاوله بعيده عن بيت الراحه. ترا مشوار خرافي من الطاولة لبيت الراحه. الطاسه ضايعه و التوازن لك عليه و الطريق زحمه أشكال و ألوان و انته محصور بس ناسي انك محصور و محتاج مهارات ميسي علشان توصل للهدف و تشوف الجالس و الواقف و ودك تعرف شو يقولون و مستغرب من اللي مجلس جنبه فلم رعب و الغزلان حواليه تسد عين الشمس و اللي يغمز لك و اللي تحس انه مشبه عليك. و بعد ما توصل تفكر بخط الرجعه و تحاول تتذكر من اللي قلت انك راح تكلمها و انته راجع مرتاح و ما تتذكر حتى لون فستانها و توقف علشان تسوي بحث و تنسى الوقت و تنسى انك واقف و انته مندمج تطالع اللي يرقصون في البست و بعد فراق طويل بالصدفة تشوف احد من اللي جاي معاك و تفرح بشوفته و ترجع لك الذاكرة