.

https://youtu.be/UNoS6OMkSg0


أنا جنوني وأفكاري جنونية
تخطي بي الناس واستعذب خطاياها

احساسي اني اسامحهم طواعية
يطير بي فوق هام السحب وأعلاها

حفظني ابوي معلومة اساسية
أكارم القوم تعفو عن دناياها

وعلمني انسى الردى وازين النية
ولا اشوف الأوادم من زواياها

الوجه بالوجه والنيه إلهية
واللي بيدور على الزله بيلقاها

من تجربة عمر وابحاث اجتماعية
يستحقر الناس من يكشف خفاياها

ومن تجربة عمر وابحاث اجتماعية
الناس ما تغلي الا اللي يتحاشاها

اقولها والخصومات انتقائية
ناس تتحداني وانا ما اتحداها

ألعب معاها المباراه النهائية
من شان اجي من وراها واتعداها

الهم كهم ماهو ذات اهمية
الا اذا كان في النفس ومزاياها

وعلى كثر ما تعبت من المثالية
على كثر ما اعشقها واتحلاها

ومن شان اعيش الحياه بكل حرية
ركلت كل الاماني من مقفاها

الا امنية في خفوقي لا طبيعية
في كل ليلة اغمض عيني ألقاها

ياليت طولي شبر او اصغر شوية
هذي امنية عمري اللي انا اتمناها

بطب في شنطة اليد الرمادية
وبعيش من بين اشياها واشياها

افضل من متابع اخبار العربيه
ومتابع الناس ومتابع سواياها

__________________
.


الوقت الذي تستمتع باضاعته ، ليس وقتا ضائعا