على طاري السفر ما جاء سوى طاريك
اشوف عيونك بخير .. وتحياتي
تبسم تكفي البسمه ولمس ايديك
ما أعرف اودع .. التوديع مأساتي
ضحيه لارتباك الشوق يوم اجيك
عجزت اقول باسافر من شفاتي
تذاكر للغياب ولهفتي تغنيك
غرامك لامتعه والحب مرساتي
لو اخليك واسافر ما انا اخليك
تفارق كل تفكيري وضحكاتي
وتامرني على حاجه ترى غاليك
يقول انك وصاة العمر ووصاتي
على روحك تحرصّ دايماً وابغيك
تحشم الحب بغيابي الين آتي
انااا من قبل اسافر عنك أسافر فيك
ما دام عيونك الحلوه .. مسافاتي ،،،