شهر مارس الماضي ف مراكش
كنت طالع من كارفور معي العصير لكن فيه نوع معين ما حصلته قلت اشوف كارفور ثاني شغلت قوقل ماب طلع اقرب شيء لي كارفور اللي عند الدبليو
وانا مقبل ع التقاطع اللي ف النص دوار صغير
اشوف العسكري نزل من الجيب يصفر ويأشر علي
وقتها الإشارة ولعت اخضر
انا سويت نفسي ما شفته و على ممشاي جاني بعدها دوار غبي ف نص التقاطع وفيه اشاره ثانيه وانا ناوي اطلع يسار
مسكتني الإشارة اللي عند الدوار الغبي وشوي الا هو قدام كبوت الموتر و يضرب الكبوت والصفارة والله ما وقفت واللي حولي يطالعون وش السالفة ؟ انا سويت على اني مستغرب معهم ؟؟
جاني قال أوراق السيارة عطيته الأوراق قال سير معي
يمشي قدام الموتر و حاط يده ع كبوت الموتر وانا اتبعه لين ديور بي رجعني عند الجيب
في البداية كان زعلان وقافله معه ليش ما وقفت له وانا جحدت لين اقتنع بعدها استرسلنا ف الكلام والسواليف والله فوق الساعتين ونص انا وياه ما خلينا شيء ولا انتبهت للوقت
ف الأخير طلب رقمي عطيته رقمي المغربي رفض وقال عطني رقمك السعودي وعطيته رقمي السعودي
عزمته ف الفيلا واعتذر قال ممنوع
كان معي رانج ايفوغ قال كم أخذته قلت ٨٠٠ قال برسلك لواحد يعطيك ب ٥٠٠ قلت ما تقصر
بعدين انتبه للعصير ف المرتبه ورى قال ممنوع للمسلمين انا ضحكت شافني ضحكت ضحك ههههه قال اجل اباخذ واحد قلت خذ اللي تبي
اخذ بلاك ليبل زبنه ف جيب الدورية
رجع ودعني وقال سير اخويا ومشيت
وقبل ما امشيء سألته عن السبب ف البداية ليه وقفني قال استعمال الهاتف ؟؟ وفيها مخالفه ٣٠٠ درهم لكن ما عطاني المخالفه

ومن ذاك اليوم وهذاك خبري فيه ما تواصل معي ولا ادري عنه الله يسهل دربه ويستر عليه

هذا اول موقف لي شخصياً مع الدرك