سارق افكار سارق افكار
وبيلعب على كل الاوتار
طبال زمار
هلاس مكار
واهى ماشية الدنيا وبالمندار
والناس ف مذاهب العشق كتار
لو شاطر راح تعرف تختار
وتقول اشعار بدموع العين
مع نغمة عود او عزف جيتار
هتلاقى التصفيق زى النار
وقديماً عمنا بيرم قال:
تخدع جماهير اسهل بكتير
من طفل بيحبى ف قلب الدار
سارق أفكار سارق أفكار
لو سارق مال يمكن معذور
لو فكر اكيد طبعاً مهبول
طول عمر السرقة ما تبنى عقول
ولا عملاق يتساوى بصرصار
سارق أفكار سارق أفكار
سارق افكار ولا عنده ضمير
وبينسب ليه افكار الغير
فاكر بالكدب هيبقى كبير
وبيوصم نفسة بوصمة عار
سارق افكار سارق افكار
!!!!!
بقلم / جمعه محمد