اذا بتسافر ياتسافر بميزانيه صح ولا رح البحرين يومين استانس فيها وارجع
معليش يعني بتضيق على نفسك في الصرف وتبهذل عمرك ليه ؟

طبعا كلامي محدد للمصروف الشخصي

السكن لازم تكسر راْسه وتكاسر خصوصا في المنتجعات والشقق وهذا من ابسط حقوقك تجاه سماسر العقار لأنهم عباره عن حراميه مجتمعه وماينوثق فيهم مهما حلفولك بالسعر انه هذا سعر خاص لك في النهايه كذابين

لكن مصروف الاكل والترفيه مفروض تدلع عمرك في النهايه انت رايح تغير جو وتوسع صدرك ،،
بعض الشباب الله يهديهم تلقاه يبهذل عمره ويركب قطارات ومواصلات عامه وتلقاه ناشف مع نفسه وماياكل من مطاعم نظيفه وكويسه ومستخسر يتكي في قهوه علشان مايدفع واغلب وقته بالسكن مايطلع الا في السهره ؟؟ ويحسب نفسه كذا انه ذيب وما انلعب عليه !!!

وفِي السهره تلقاه واقف عند الحمام يطقطق بجواله علشان ماعنده طاوله ولا واقف عند الباب

طبعا بحبحها لكن بحدود يعني السهرات اللي طاوله ب ٤٠٠٠درهم ولا ٥٠٠٠درهم هذي اذا ميزانيتك ماتسمح لا تجيها ولا انك تدفع ٣٠٠درهم وتقعد واقف كنك طرطور بعضهم يكونون مجموعه ٣ دافعين دخوليه دون طاوله وطول السهره واقفين

في أماكن ثانيه سهراتها ب ٨٠٠-٢٠٠٠ وتاخذ طاوله وتجلس بحترامك او ياخي أسهر بسكنك

في النهايه محد يقدر يعطيك ميزانيه محدده للصرف لان الناس مو متساويه بالصرف ولكن لا تكون بالعامي جلده مع ذاتك او بخيل مع نفسك بحجه ولنفس الوقت لا تكون غبي علشان محد يستغلك اصرف بحدود المعقول


سلامتك