يا آخر طموحاتي و ذروة حنيني
تلبس على فالك و أنا بفالي أموت
أموت في اللبس الخِفي المبينِ
و الشَعر لى منه تناثر على الكوت
الصوره اللي بين خدك و بيني
تقول يا السكر تعال إلمس التوت
في عيونك اللي تحتها شامتينِ
خيل العرب في معركة عين جالوت
كل شي يتمنى يشاركك فيني
الأرض و الأشجار و البحر و الحوت
يا مبرأك يا مظلمك يا ظنيني
ما ضاع لك ضايع و لا فات لك فوت
أقسى الرجال إن شاف حسنك يلينِ
و أي بنت في جنبك تحول لطاغوت
خذني معك بلاك أنا ما يبيني
يا شعر أبو راشد و يا سحر هاروت
هذي أمنياتي يا مبعثر سنيني
الود ودي نجتمع لو بتابوت
ودي أحطك يا حبيبي في عيني
و اسكر عيوني عليك إنت و اموت
و ادخل معك قبر الغرام الحزينِ
و اسمع تناهيت المحبه بلا صوت
https://youtu.be/ttqVahyxxV0
التعديل الأخير تم بواسطة mimi ; 2017-08-21 الساعة 12:42 AM