نرجع نكمل البدايات انا وكعادتي فيني لقافة هههههه بالرحلة الثانية واقف بطابور مطار الرياض نشيك العفش قدامي 3 معهم عفش كنهم شاحنين معهم جنازة ميت بتابوت .. وش ذا يالاخو ؟ قال عفشنا ما خلينا شي قهوة وشاهي ومعلبات وكعك وكليجا و جبن كرافت و و و و و
قلت له اخذتوا تونة؟ انا قايلها طقطقة و تريقة
و كبيرهم وجه سؤاله لخويه مسئول التابوت ههههههه اخذت تونة ؟ ... رد عليه بعد ما طلع ورقة رول مثل فاتورة مرجان تفحصها مافيه تونة انتم ما كتبتوا تونة ياللحسرة نسينا التونة هههههههههه
معقولة رايحين لمجاهيل وأدغال افريقيا ههههههه ترا المغرب كله خير ونعمة والحمدلله
صراحة ذكريات لا تنسى وايام جميلة المهم استروا ما واجهتم ابشوف اتذكر شيء من المواقف وارجع احطها لكم